對於鍾意空間感嘅營友黎講，真係一個好消息! HKCAMP最近到訪咗一個係香港佔地面積數一數二大嘅露營場地，就係位於錦田嘅Starland Camping摘星山脈。Starland Camping佔地21萬呎，大家無聽錯，係21萬呎! 一齊睇吓小編到訪當日實地拍攝嘅短片同相片啦!
辛苦晒小編周圍四出拍攝露營影片， 等大家更了解各個露營場地! 睇片支持，記得訂閱HK嘅YouTube Channel， 感謝感謝！
黎到Starland Camping，好彩嘅話仲會見到羊咩咩係你身邊走過!
場地設有多個營區 照顧唔同營友嘅需要
汽車露營區
近門口嘅大草地係汽車露營區， 車中泊同carcamping 地方勁大！ 大家唔使擔心唔夠位，車與車之間有好大距離， 小編推介接近水源及洗手間嘅位置會最方便。
多個紮營區
場內仲有幾個山波同埋草地， 全部都係紮營區域，最吸引小編嘅紮營區係一個叢林，真心勁有野營feel！ 而且場主透露間中仲有松鼠仔出沒。
喺呢度露營真係好有feel！
綠悠悠嘅大草地空間勁大，仲有微風，真係好舒服~
營地內其他設施
講完露營嘅地方，大家最想知同時最重要嘅一定係場地洗手間, 淋浴間同埋其他設施。小編率先同大家睇過，總括嚟講洗手間格數充足，男女比例9:5。男女淋浴間各有7格，沖涼設施亦都非常新淨，有齊衣架及風筒，女士們一定滿意。
另外設有共享廚房， 有齊電磁爐， 大家要處理食材非常方便。場地仲設置多部雪櫃， 方便入營朋友儲藏食物。
戶外設有鋅盤可以洗嘢， 仲有飲品售賣機。
男女洗手間內非常乾淨寬敞，空間十足。
沖涼設施新淨， 另有一邊可以俾大家坐低使用風筒。
雪櫃有成十幾部，真係貼心得好誇張!
最特別有個共享廚房， 廚具爐頭齊晒， 埸主諗到如果遇到落雨情況， 大家係戶外煮食會好唔方便， 係共享廚房煮食都係一個唔錯嘅選擇!
營地周邊設施充足 仲有機會見到羊群
小編當日係營地仲見到可愛嘅羊群， 勁似去咗台灣牧場！羊咩咩有機會喺你嘅營前經過， 真係好可愛呀! 露營空間感都非常重要， 小編當日都覺得好舒服，對於想享受大自然環境及追求空間感嘅露友黎講， 呢度真係滿足到你。
講到享受大自然，營地位置遠離民居，主打無光污染， 夜晚仲可以睇到好多星星， 下次黎玩，大家記得抬頭「摘星」啦！
營地周邊玩樂設施都好齊備，因為營地正正位於錦田鄉村俱樂部旁邊，所以如果大家有時間可以過埋去玩，一家大細可以一齊摘士多啤梨同粟米，大家入營後不妨來試試。
羊咩咩擦身而過，好可愛!
錦田俱樂部壁畫
眼前呢片係粟米田， 錦田俱樂部可以付費採摘!
場地中央有棵龍眼樹，夏天就有收成啦!
仲有芒草俾大家打打卡!
想試新場地嘅朋友，就要捉緊露營季節尾巴啦!
Starland FB / IG / WhatApps
歡迎大家報料，同我哋分享正正嘅營地！等緊你！
約定大家, 我哋係世界各地營地相遇!
**以上圖片及資料來源: HKCAMP
**以後關於露營圖片及分享，記得打Hash Tag（#HKHKCAMP）
相關資訊:
香港露營場
一文睇哂，香港私人營地總覽2023
一文睇哂，香港私人營地總覽 2022
EP1 至潮至CHILL 錦田綠活城鄉Green Lohas~ (按此預訂)
EP2~Chill遊元朗白泥生態保育農莊~ (按此預訂)
EP3~要享受農莊露營樂趣? 就要黎元朗八鄉小蜜蜂農莊啦~ (按此預訂)
EP4~想要非一般露營新體驗, 就係沙頭角禾田喜山~ (按此預訂)
EP5~一個Camp Site試哂唔同營區, 仲等? 緊係要黎長洲西園啦~ (按此預訂)
EP7~私人營地以外, 設備完善嘅營地選擇,保良局賽馬會大棠渡假村~ (按此預訂)
EP8~上水全新露營場《雙魚.小丘》 一營一獨立雪櫃，5星級露營新感受~ (按此預訂)
EP9~細心! 貼心! 真正明白營友需要嘅元朗牛潭尾Grassroom! (按此預訂)
EP10 - 由華山玩到自資營地上水虎地山莊Carpus & Co (按此預訂)
EP11~ 給你家人般的溫馨及窩心感覺~粉嶺流水響四季休閒農莊! (按此預訂)
EP12~又一車CAMP新場地?元朗逢吉鄉喜喜草原~ (按此預訂)
EP13~特色火台, 專為車CAMP重裝而設嘅元朗森之谷~ (按此預訂)
EP14~想試試全港少有全海景獨立露營區? 就要黎大埔Happy Camping啦~ (按此預訂)
EP15~特別Camping區任你選! 仲有超特色梯田露營區! 盡在錦田牧緣田 (按此預訂)
EP16~2022最新露營場！喜歡新場嘅一定要黎元朗流浮山白泥「歡歡草原」～ (按此預訂)
EP17～2022開季必試最新露營場！打鼓嶺Chill級Playful嘅「UncleB Farm」～ (按此預訂)
EP18～隱世・山野地理方便私隱度高，盡享山野寧靜! (按此預訂)
EP19～新場GREENOBO綠行鳥Car Camp & Glamping齊哂 (按此預訂)
EP20～潮試最新韓式露營場@上水Chill Club梧桐! (按此預訂)
EP21～全新開幕、十多萬尺台灣風格露營場地@元朗山林里農莊
EP22～最新露營場地元朗錦田FUN PARK by FUN SHOP