• HKCAMP

「營」人必去? EP14~想試試全港少有全海景獨立露營區? 就要黎大埔Happy Camping啦~

露營季節黎到中段,相信大家都已經去過好多唔同風格嘅營地,小編最近到訪咗一個擁有獨立無敵大海景,一起身就可以行落海灘,仲可以親手種植,即摘即食新鮮有機蔬果嘅營地,好有外國Feel架~大家有興趣可以試試呢?


今次要同大家分享一個超級有驚喜嘅營地,就係位於大埔汀角嘅《Happy Camping》



 

交通便利 臨近補吸點


Happy Camping地利好方便,從大埔市區坐車只需要10分鐘車程就到達,營區仲有大停車場方便大家泊車,無揸車嘅營友都可以乖坐小巴,交通非常方便。附近仲有士多、餐廳,要補給物資無難道!


 

低密度露營區 注重空間感


營地佔地超過大約16萬呎,但營地負責人堅持唔會濫收客人。平時生活夠哂繁忙,因此營地希望每個黎到嘅營友都有足夠活動空間,大人可以盡情地Chill, 小朋友又可以盡情放放電~真係好細心嘅諗法。


 

獨立海景露營區 私癮度十足


講到呢個營地嘅亮點,當然係封面相嘅獨立海景露營區啦~鍾意海景嘅營友真係唔可以錯過,營地可擁有私人海景,幻想一吓一起身打開營帳,就係一望無際嘅海灘。感覺就好似去咗外國露營一樣,很正吧!


私人海景區仲會種植樹木作分間,私癮度極高,想信會好受情侶歡迎,想情人節浪漫一吓要早啲問問營地訂位啦。

感覺置身大自然,向前望仲係海景,真的在香港嗎?


 

直達50米紅樹林海灘 盡享180度海景


另一個特色! 營區前面就係紅樹林,營友可以直接從營區走到海灘漫步。可惜小編當日去到剛好潮漲,如果黎玩兩日一夜,潮退嘅時候,海灘有50米,一家人行下海灘,仲好似話有好多海星,而且營地附近空曠, 無建築物遮掩,可睇日落、晚上又可睇星星~



 

親手種植 即摘即食有機蔬果


營地仲設有機蔬果園區,讓大家可以租借農地,咁忙點種野? 放心,營地有專人負責照顧大家嘅農田,如果有收成可以送到府上,真係堅細心, 大家都可以做假日農夫。


除咗租農地感受農耕樂趣之外,入營都可以現場即摘即食。營地仲可以幫大家代買食物,有食物又有即摘有機蔬果,真係可以兩手fing fing入去Happy camping啦!




 

夏天潮玩踏浪艇 秋冬一齊圍爐夠熱鬧


營地有基本嘅洗手間, 冷熱水淋浴間, 共享雪櫃及廚房外, 仲係多用途地. 夏天時營地提供踏浪艇比大家租借, 所以營區內一半係真草地, 一半係人造草地, 方便夏天時放上踏浪艇.


營地內有燒烤場, 提供多個燒烤位置比大家圍爐, 仲提供燒烤爐租借服務, 大家可以一邊食嘢, 一邊傾傾偈, 超爽!






 

多個打卡景點 如置身外國一樣


營區內地方超闊落, 除咗有唔同扎營區外, 仲有多個打卡靚位比大家開心Share! 小編就獨愛呢片椰子樹林啦! 真係好有渡假FEEL~



除此之外, 營區內仲設有一個大舞台. 歡迎團體舉辦活動, Busking等等. 如果HKCAMP將來係度舉辦活動, 同谷友聚一聚, 大家又點睇?




 

周邊仲有多個景點 適合一家人玩三日兩夜


老實講香港少有背山面海嘅私人營地, 周邊仲有唔少野睇。大家扎好營帳後, 可以去踐單車、行山 或到附近嘅慈山寺參觀一下,好好享受直正嘅假期。

營地小主人多多


 

係咪想即刻出門口去Happy Camping露一露呢? Happy Camping剛剛開業, 如果大家快手, 都仲可以訂到營位呀~唔洗急, 但一定要快!!


Happy Camping

Facebook: https://m.facebook.com/happyfuncamp/

Whatsapp: https://wa.me/85251196906

 

歡迎大家報料, 話比我哋知, 有咩正嘅營地分享比大家啦~


約定大家, 我哋營地相遇!




**以上圖片及資料來源: HKCAMP香港人露營分享谷 **以後關於露營圖片及分享,記得打Hash Tag(#HKHKCAMP 相關資訊: EP1 至潮至CHILL 錦田綠活城鄉Green Lohas~ EP2~Chill遊元朗白泥生態保育農莊~ EP3~要享受農莊露營樂趣? 就要黎元朗八鄉小蜜蜂農莊啦~ EP4~想要非一般露營新體驗, 就係沙頭角禾田喜山~ EP5~一個Camp Site試哂唔同營區, 仲等? 緊係要黎長洲西園啦~ EP7~私人營地以外, 設備完善嘅營地選擇,保良局賽馬會大棠渡假村~ EP8~上水全新露營場《雙魚.小丘》 一營一獨立雪櫃,5星級露營新感受~ EP9~細心! 貼心! 真正明白營友需要嘅元朗牛潭尾Grassroom! EP10 - 由華山玩到自資營地上水虎地山莊Carpus & Co

EP11~ 給你家人般的溫馨及窩心感覺~粉嶺流水響四季休閒農莊!

EP12~又一車CAMP新場地?元朗逢吉鄉喜喜草原~

EP13~特色火台, 專為車CAMP重裝而設嘅元朗森之谷~