• HKCAMP

「營」人必去? EP4~想要非一般露營新體驗, 就係沙頭角禾田喜山~

甘耐以黎, 小編都收到唔少谷友及身邊朋友報料, 邊度邊度有好玩嘅新營區. 今次就同大家分享一個朋友嘅私心推介. 就係位於沙頭角, 佔地超過二十萬方呎嘅禾田喜山露營區.

 

小編明白, 大家對營地要求越黎越高, 一般嘅營地已經滿足唔到一眾有品味嘅營友要求. 今次分享嘅營地, 唔單止風景怡人,遠離煩囂, 而且營地內仲設有多款刺激玩樂設施. 好似滑草、滑水道、腳踏高卡車及手搖船等, 真係動靜佳宜. 無論大小都可以玩餐飽, 絕對適合一家大小同情侶呀.


營地有大草地, 都已經唔再係新奇事啦. 禾田喜山特別在, 營地內風車區設有28米滑草道, 掛住日本, 韓國嘅滑雪道? 不防黎呢度試玩下滑草道, 一樣好玩刺激架.

 

仲有腳踏高卡車, 鞦韆, 手搖船及兒童休閒活動, 彈床等等. 除左露營之外, 仲照顧到一眾好動朋友嘅需要.

 

營地除左玩樂設施充足之外, 洗手間, 冷熱水洗澡設施, 雪櫃, 充電器, 枱凳, 煮食區等, 同樣一應俱存.


無營具嘅朋友都可以係營地內租借. 租借套裝已經包曬露營所需, 營帳, 爐頭, 煮食用具, 地墊, 睡袋及營燈. 不過溫馨提示, 營區內無食物供應, 想燒烤嘅營友就要帶齊食物啦.

 

係咪睇完都心郁郁呢? 有興趣嘅營友, 快啲去以下連結睇下啦~


沙頭角禾田喜山營地


大家準備好, 我地營地相遇啦~




**以上圖片及資料來源: holimood.com.hk


**以後關於露營圖片及分享,記得打Hash Tag(#HKHKCAMP


#HKHKCAMP #香港人露營分享谷 #香港人露營分享谷專頁

#日營 #營地推介 #一站式露營體驗


相關資訊:

EP1 至潮至CHILL 錦田綠活城鄉Green Lohas~

EP2~Chill遊元朗白泥生態保育農莊~

EP3~要享受農莊露營樂趣? 就要黎元朗八鄉小蜜蜂農莊啦~