• HKCAMP

「營」人必去? EP7~私人營地以外, 設備完善嘅營地選擇,保良局賽馬會大棠渡假村~

已更新:2021年11月12日

經常係谷內都會見到谷友分享私人營地好爆場, 好難預訂。又有谷友分享去過極中伏嘅私人場。其實有時冇諗到嘅渡假村其實都有營地供應,今次等小編介紹一下, 私人場以外、設施充足、設備完善、既乾淨又安全嘅營地啦。

今次要同大家分享嘅係位於元朗大棠, 大棠山道嘅保良局賽馬會大棠渡假村。 相信大家同小編一樣, 見到係保良局管理嘅渡假村,都會信心大增。

 

保良局賽馬會大棠渡假村位於大欖郊野公園旁邊


最有名氣一定係每年12月到大欖郊野公園楓香林紅葉,2021高達一百萬人上山睇紅葉,實在太誇張!除了紅葉期,除近亦有一人氣景點大欖涌水塘「迷你千島湖」是行山界十大美景之一,所以HKCAMP分享便是早上行山睇靚景,午餐後回去渡假村內紮營享受迎來設施。



渡假村內設施充足, 有不同分組活動場地, 包括之前貼文有介紹過的歷奇活動 (請按此了解更多). 包括箭藝, 彈網, 單車, 游泳, 野外定向, 運動攀爬, 兒童箭藝, 平衡車, 兒童吹氣彈床, 兒童充氣籃球, 而每項活動都係渡假村悉心安排, 有合格導師從旁指導. 仲有唔同球類活動, 好似乒乓球, 羽毛球場, 籃球場, 五人足球場, 康樂繩網陣, 康樂棋, 兒童國等等, 等等...真係應有盡有.

 

有動之餘, 仲有靜. 渡假村內仲可以玩唔同手工工作坊, 好似扎染, 水晶鹼製作, 天然防蚊膏, 潤唇膏製作, 以及幻彩浴球製作等等. 等大家可以係露營之外, 仲可以參加唔同有益身心活動, 大人可以Chill, 小朋友又可以放下電, 真心推介.

(天然潤唇膏製作)



 

而大家最關注嘅露營區就分左扎營區同車Camp區. 渡假村會控制人流, 希望大家有充裕嘅露營空間, 所以大家黎露營, 地方都會非常充足, 唔怕迫.

 

而小編認為, 去露營最重要係洗手間. 渡假村內有冷熱水供應嘅淋浴間, 更衣室及洗手間, 完完全全可以配合營人嘅需要. 而且仲有儲物格, 方便大家放置重要物品.

 

而營區外, 就係燒烤場地, 有齊燒烤爐比大家煮食, 唔需要另外借爐, 即使無帶爐具, 都可以輕輕鬆鬆野炊. 而小編覺得最好係佢地場內仲有食堂. 食堂有早 午, 晚餐供應. 另外仲有小食售賣機. 換句話說, 唔洗帶食物上黎扎營, 都唔怕無野食啦!

 

因為保良局大棠渡假村係非牟利團體, 所以場地預訂價格都比較相宜. 同時都因為價錢便宜而好多人預約. 如果有興趣試試私人營地以外嘅營地, 建議大家早少少預約啦~


而我地HKCAMP香港人露營分享谷最近都係保良局賽馬會大棠渡假村預訂左場地, 舉辦首個露營祭 (按此了解更多). 希望同各谷友一齊玩返下, 交流露營心得.

秋祭露營祭之後, 仲會有一連串活動, 目的都係想同大家谷友見見面, Chill一Chill. 大家記得密切留意啦.

 


約定大家, 我地營地相遇~


**以上圖片及資料來源: HKCAMP香港人露營分享谷


**以後關於露營圖片及分享,記得打Hash Tag(#HKHKCAMP

#HKHKCAMP #香港人露營分享谷 #香港人露營分享谷專頁

#高空繩網 #緣繩 #攀石 #高牆 #低結構歷奇活動 #保良局賽馬會大棠渡假村


相關資訊:


HKCAMP首個谷友秋季露營祭典2021~

露營以外, 仲可以咁樣玩? 飛索, 繩網, 歷奇, 你夠唔夠膽挑戰? EP1 至潮至CHILL 錦田綠活城鄉Green Lohas~ EP2~Chill遊元朗白泥生態保育農莊~

EP3~要享受農莊露營樂趣? 就要黎元朗八鄉小蜜蜂農莊啦~ EP4~想要非一般露營新體驗, 就係沙頭角禾田喜山~

EP5~一個Camp Site試哂唔同營區, 仲等? 緊係要黎長洲西園啦~