玩開露營嘅朋友，相信無人唔認識FUN SHOP。係上年年尾， 佢哋係元朗錦田開咗個露營場地FUN PARK。場地一開幕就已經非常爆滿，到底FUN PARK有幾正， 一齊跟住我哋黎睇睇啦！GoGoGo!
人氣高企 全新露營場地
FUN PARK位於元朗錦田逢吉鄉，無論係自己駕車或者call
車， 都好方便。 營地仲好貼心提供定位，只要到達水尾村公所再依照營地提供嘅定位， 就可以輕鬆前往。
營地門外提供泊車位， 入黎露營嘅駕車朋友就唔洗擔心無車位啦！
簡約日系風格 空間感UP！
一入到營地， 就比眼前綠油油嘅草地吸引住啦！場內設計以日系風格為主， 特別選用石仔地及竹牆做分隔， 區域劃分清晰。
場內營位分隔亦相當寬敞，空間感十足。
大家見到呢個紅頂菇菇幕一定唔會陌生，呢個Open area仲設有木台， 岩哂包場活動或者Live band表演，大家可以係菇菇幕同埋朋友一齊聽歌Chill返下，認真爽呀！
設施齊備乾淨 Like！
場內設有共享洗滌區及雪櫃， 方便營友處理及儲放食材。
不得不讚場內嘅洗手間及冷熱水淋浴間， 真係相當整齊乾淨。 而且分別有8格， 位置充足， 大家唔洗擔心要排長龍啦！
共享空間內仲有飲品自動售賣機及自助租借手機充電器，相當貼心！
營友聚會 開心分享 FUN！
露營樂趣在於可以開心Share。 小編當日到訪，好高興可以認識到唔同朋友， 佢哋仲同小編分享咗佢哋嘅收藏品。
場地係狗狗friendly，大家可以帶埋小毛孩約埋三五知己， 一齊黎玩返幾日， 真心正！
只要成為FUN SHOP嘅會員， 就可以黎FUN PARK啦！營地人氣高企， 想黎嘅朋友就要提早預約定啦！
FUN PARK by FUN SHOP
歡迎大家報料，同我哋分享正嘅營地！等緊你！
約定大家, 我哋係世界各地營地相遇!
**以上圖片及資料來源: HKCAMP
**以後關於露營圖片及分享，記得打Hash Tag（#HKHKCAMP）
相關資訊: