top of page
  • 作家相片HKCAMP

「營」人必去? EP17~2022開季必試最新露營場!打鼓嶺Chill級Playful嘅「UncleB Farm」~

已更新:2022年11月2日

闊別半年嘅「營」人必去香港營地介紹系列終於返嚟啦!大家係咪好掛住草地嘅草青味呢?

9月開季,當然要試吓新營地。今日就等小編帶大家去一個全新露營場啦!GoGoGo…





 

講緊嘅係位於打鼓嶺李屋嘅Uncle B調理農務體驗所「UncleB Farm」。一睇個名就知場主係玩得之人, 而且都係營友,所以絕對了解營友們出嚟露營嘅需要。


5萬幾尺草地 空間感十足

鍾意玩露營嘅朋友一定明白草地對於露營黎講有幾重要!小編一黎到就比眼前綠油油嘅草地吸引。5萬幾尺嘅草地都係場主用心血、時間培育出黎,目測可以容納超過100人。場主希望每個嚟到嘅營友都有足夠嘅活動空間,所以場地會進行人流管制,大家唔洗擔心會營貼營啦!




 

足夠硬地泊車 仲可以玩埋Car Camping

草地可以比大家玩埋Car Camping,大家拎齊Gear組裝一個600尺嘅5星級的家都無問題呀! 草地隔離就係硬地停車位, 足足可以容納30架車, 而且就係正草地隔離, 裝卸營具裝備都超方便。


 

設施齊備 可以燒烤兼打卡

場地設有洗手間、冷熱水浴室,一應俱全。不得不提佢地嘅乾濕分隔浴室。場主用咗12間浴室嘅空間建造咗6個乾濕分隔嘅浴室, 以後大家就唔洗怕被花灑淋濕啲乾淨衫啦, 真心Like!





場主係一個好客嘅人,認為嚟到嘅營友都係朋友。大家坐埋一齊開心Share就係露營嘅真意義。所以場內設有多用途冷氣室,一家大細入嚟玩仲可以預訂冷氣室搞活動。如果無客人預訂,場主會開放比大家開心Share,大家記得係日式風格嘅冷氣室打返個卡啦!


大家仲可以係冷氣室外租借燒烤爐,涼住冷氣燒烤,係咪爽?




 

設有日營體驗 自由度UP


未試過露營又心思思想試吓?Uncle B幫到你!場地提供日營比大家預訂,試過正嘅話記得預訂埋過夜營位啦!到訪當日啱啱有營友帶埋水槍入嚟玩日營,係草地上開戰真係夠哂涼快!



場主除咗好客,仲非常支持本地創作。 依家預約營地仲會送出本地品牌Hellolulu嘅小袋子,及Uncle B調理農務體驗所「UncleB Farm」匙扣, 一齊支持本地創作!


禮物數量有限,送完即止啦!


 

HKCAMP谷友會員專屬優惠

露營開季,場地已經開始接受9-12月營位預訂啦! Uncle B 依家仲比咗個特別優惠比HKCAMP嘅谷友會員, 大家預訂後入場,只要出示已經Like咗HKCAMP Facebook Page / IG, Uncle B就會有特別折扣比大家!查詢及預約,請按以下連結! 場地 :UncleB 調理農務體驗所 **

訂位講HKCAMP會有折,至到12月完結** 場地呎數:

約50000呎可容納人數: 約100人內

洗手間及沐浴室: 2格

打卡位: 小白屋/ 內有日式露營

地址: 新界打鼓嶺李屋


WhatApps預約: https://wa.me/60120997

 

歡迎大家報料,同我哋分享正嘅營地,或者大家想睇嘅場地介紹!等緊你!

約定大家, 我哋營地相遇!



**以上圖片及資料來源: HKCAMP香港人露營分享谷


**以後關於露營圖片及分享,記得打Hash Tag(#HKHKCAMP


相關資訊:



Comments


bottom of page