有好嘢！有好嘢！小編最近發現一個有成十多萬尺嘅新營地， 鐘意周圍試玩新場嘅營友千奇吾好錯過， 要留意啦！
講緊嘅新營地就係位於元朗朗廈新潭路， 錦綉花園迴旋處附近嘅山林里農莊啦！ 營地空間感十足， 栽種咗多種花卉樹木，走台灣小清新風格， 仲有特色打卡位， 一齊黎睇睇佢到底有幾正啦！
佔地十多萬尺・區域劃分清晰・極富空間感
一走入園區就見到綠油油嘅草地同樹木，草青香味撲鼻而來。 中間行車路仲栽種咗唔同類型嘅花卉，成個感覺就好似置身於台灣嘅露營場地一樣。
營地佔地十萬多尺， 而且仲陸續擴建當中，係屬於較少有咁寬敞嘅私人場地。而且場內區域劃分非常清晰，每個區域都有指示牌，營友入營就可以一目了然， 輕易搵到自己所訂位置。
除咗有主要露營區外， 更設有Glamping區、營火露營區及特色山林巴士區。主營區仲可以玩埋Car Camping直接上草。區域之間以樹木做分隔， 除咗私隱度大增之外， 大家抬起頭就會望見樹木，係咪好有心思呢？
而且最近正直紅葉季節， 園內樹木都轉紅啦， 係紅葉下露營好有Feel呀， 一場黎到記得打個卡啦!
山林巴士・營火區・多個特色打卡位
場地主理人明白營友都鐘意玩營火， 所以場內更專程建設營火露營區。區內設有一個營火爐， 最近天氣甘凍， 點起營火， 圍住傾吓偈真係暖入心。如果大家一大班朋友黎， 仲可以包場享受營火露營呀！
營火露營區對面就係另一亮點山林巴士區啦！係咪未見過營地竟然有架退役雙層巴士呢？佢係主理人搵返黎再全面改造而成。巴士內邊加咗假草皮，仲有投影機， 一班朋友可以係度Chill下飲返杯， 真係爽！而且仲超級IGable，打卡必去!
場地設施一應俱全・仲有營具租借一條龍服務
場地設有男女獨立洗手間， 24小時提供熱水供應嘅淋浴室，共享雪櫃及洗滌區。如果想BBQ，仲可以租借燒烤爐及其他玩樂設施，照顧哂大家嘅需要。
想再舒服啲？不妨試下場地提供嘅營具租借服務！大家無需帶裝備，只需要訂位時預訂埋營具， 營具就會直接送到營地， 仲可以幫手起埋營， 真係堅方便！有興趣預訂營具嘅朋友，記得訂位時問問啦！
附近補給點・桃園士多茶座
場地附近設有有機農莊及士多名叫《桃園士多茶座》， 大家買吾齊物資都可以隨時補給。 而且仲可以即摘新鮮有機蔬果，啱晒一家大細帶埋小朋友嚟體驗農地耕種樂趣。
自家培植有機菜・直送營地・隨時隨地有靚菜食
場地主理人仲有自家培植有機農莊， 種出黎嘅蔬菜仲可以比大家營友預購。 預購咗嘅有機蔬菜會直接送到營地比大家享用。 天氣咁凍， 係野外打邊爐仲有埋有機蔬菜，暖笠笠又健康，Like！
黎過嘅朋友都會感覺到場地管理非常系統化，無論訂位， 訂營具， 訂有機蔬菜， 大家都可以透過場地嘅平台系統預訂， 過程簡單直接。黎到場地營位編排指示清晰易明， 所訂營具一早安排好送到營地比大家領取， 管理服務周到！
場地剛開業， 如果想試新場地， 感受一下台灣露營嘅營友就一定要黎玩吓啦！
HKCAMP嘅谷友會員有福啦!
場地主理人特設優惠碼 Matata， 只要大家係場地平台預訂， 使用優惠碼 Matata 就享有88折優惠! 而且每月都有唔同優惠，每月都有驚喜比大家! 仲等?
山林里農莊
歡迎大家報料，同我哋分享正嘅營地！等緊你！
約定大家, 我哋係世界各圩營地相遇!
**以上圖片及資料來源: HKCAMP / 山林里
**以後關於露營圖片及分享，記得打Hash Tag（#HKHKCAMP）
相關資訊: