同愛侶、朋友露營，小編認為除咗有部可靠嘅露營車、營火、美食、啤酒，可以帶埋部電視遊戲機一齊出外玩就更夢幻，玩返場FIFA先去一齊瞓教，簡直完美。
呢個主意聽起來好似有啲「宅」，同愛出外旅遊、露營嘅你有啲反差，但相信唔少愛打機嘅機迷，都可能有幻想過呢一刻，其中兩個機迷更將呢個夢想實現，推出POGA流動遊戲機箱系列，令遊戲機都可以隨身攜帶，去到邊玩到邊。
POGA嘅兩位創辦人，MORITZ STOPPELKAMP、BENJAMIN REICHERT，正職為職業足球員，佢地認為遊戲機公司推出嘅掌上型遊戲機，螢幕較細，而且解像度唔夠高，就好似用手機玩應用程式，未能夠得到打電視遊戲機時嘅快感。就係呢個咁單純嘅原因，佢哋成立INDIGAMING公司，推出大大小小嘅流動遊戲機箱，滿足自己同一眾機迷嘅需要。
POGA適用於大部分受歡迎嘅電視遊戲機，包括PS5、PS4、XBOX等等，更配搭華碩21.5 英寸1920x1080全高清高解像度螢幕（1ms，75 Hz），提供更佳嘅遊戲視覺，畫質清晰暢順，打機都爽啲。
但遊戲機唔單止嘥位又笨重，要帶出街都唔係咁容易，所以POGA由輕身而高強度嘅鋁合金製造，能夠保護遊戲機免受碰撞、震盪而受損，連埋遊戲機嘅總重量都只係8公斤左右，更加可以使用專用嘅手推車配件，去旅行都可以帶埋部機，好似拉篋咁簡單。
除咗有高強度嘅外殼保護，遊戲機箱更加有IP 52 認證防水級別，萬一旅途中落雨，或者遊戲機箱跌咗落水，只要唔係拎埋部機落水打，都唔使怕俾水整濕、整壞部機嘅。
始終打機都係一樣比較耗電嘅活動，POGA 暫時並沒有推出內置電源版本，需要配上外接電源，或者POGA 專用嘅流動電源，不過都總比旅程冇機打、或者打打吓要充電咁麻煩。
如果你都想越夜越有機，不妨都考慮購入POGA，以後去露營，都可以多一個玩樂嘅選擇喇！
** 以上圖片及資料來源: POGA
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!