要安全咁去到山上扎營地方或者X位，少不免攀山涉水，行少啲山路都未必去得到，但普遍嘅行山初哥都好易忽略行山杖嘅重要性。情願帶支自拍棍，都唔肯拎支好用嘅行山杖，輔助自己、安全咁行山路。今日就同大家分享一下選擇行山杖嘅時候有咩地方需要注意啦！如果有行山高手， 或者大家有任何意見， 都歡迎留言！
好嘅行山杖，可以幫大家控制身體晃動、保持平衡，防止意外摔倒，同時會幫助你征服陡峭路徑，避免行山過程投放大量精力，令登山時更加舒適，選擇適合自己嘅行山杖時，不妨考慮以下幾點：
1）材質
無論係行山或者露營裝備，器材重量都係重要嘅考慮因素，影響成個使用體驗，不同材質製造嘅行山杖，重量都會各有不同，常見材質主要為鋁合金或者碳纖維。鋁合金行山杖非常耐用，唔輕易破裂，適合經常係堅硬嘅岩石上行走。而使用碳纖維製嘅手杖，最主要嘅優點係比鋁輕，就算長時間用都唔怕疲勞，但強度比鋁合金弱，而且價錢較貴。
2）手杖把手
手杖把手普遍以舒適海綿包裹，務求吸汗吸震，增加使用舒適度。其次選擇就係以PP軟膠包裹把手款式，可以加強防水性及耐用程度，但舒適感就較海綿款式略差，未必適合長時間使用。
3）結構
大致分「伸縮型」或「折疊型」。「伸縮式」結構可以透過伸縮杖身來調整長度，但收納尺寸比較長，難以裝入背包，不過優點係可以根據斜坡坡度，適時微調長度。「折疊式」桿身設計，可以將杖身折疊成多部分以便存放，通常比伸縮式更輕身，組裝起來既快捷又方便。但耐用性程度比伸縮式稍差，如果受到硬石猛烈撞擊，更可能會破裂。
而SHANER推出嘅「SUPER LIGHT 碳纖維山人杖」，考慮到唔同材質嘅特性，杖身主要以碳纖維製造，減輕重量，杖尖則以高強度嘅鋁合金製造，增加耐用程度。
手杖把手以高密度EVA海綿包裹，更配合吸汗手帶，增加使用舒適感，用好耐都唔怕手濕、跣手。行山杖更加可以配合專用嘅自拍工具，行山自拍一take過，價錢亦相當親民，就算初學者都可以輕鬆入手。
市面上都有好多唔同款式及價位嘅行山杖可以比大家選擇。未搵啱心水嘅話， 都可以透過行山用品租借服務租借， 試啱先買就唔怕買咗唔岩用而浪費啦！
** 以上圖片及資料來源: SUPER LIGHT 碳纖維山人杖
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!