其實唔少大城市都一早有使用電動單車或者滑板車，方便遊客遊覽城市，又方便居民日常返工返學，就算唔迫車都可以用自己嘅方式去到目的地。假如香港將來都可以使用，小編就最希望入手 Aventon 推出嘅 40V Pace 350 電動單車，到時返工都唔洗迫車、輕輕鬆鬆自己揸。
按照運輸署官網資料顯示，正研究修訂《道路交通條例》，將來或者會容許喺指定的單車徑上使用「電動可移動工具」。就咁睇，要喺香港合法使用電動單車或者滑板車，都唔再係遙不可及嘅事。
Aventon 40V Pace 350 雖然最高時速只有32公里，但用嚟代步、送下外賣絕對夠用，一次充電就能夠行駛25至40公里，就算你計劃由屯門大西北出發，揸夠36公里去尖沙咀，都大概一個鐘多少少就搞掂。
小編喺日本旅行時都試過租用酒店樓下嘅電動滑板車，使用簡單、唔算快，價錢都算合理，唯一缺點就係揸得唔遠，好快又要充電。而 Aventon 40V Pace 350 最大嘅賣點，就喺同 PowerShare 合作，單車使用兩粒可拆卸、可充電的 20V Powershare 電池，就算用哂都可以隨時換電，續航力爆登。
車身搭配Shimano7速輔助功能，就算路途中要上落斜路都唔洗擔心，輕鬆推進。而且使用機械式碟煞，落大斜路都唔怕收唔到油，提升駕駛安全。
Aventon 40V Pace 350 使用背光 LED 顯示屏，令你時刻都了解電量、速度同行駛距離等等嘅資訊，就好似揸車一樣，知道幾時要換電、幾時會到目的地，全方位配合你嘅出行需要。
就算暫時未用得呢部電動單車，Powershare 出嘅電池可以使用喺同品牌嘅電子產品，例如手提電鑽、手提電動洗車器等等， 方便你嘅日常生活所需。
** 以上圖片及資料來源: Aventon 40V Pace 350
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!