top of page
  • 作家相片HKCAMP

BB也Camping! CHUMS推出超可愛Baby系列產品! 推介5款營爸營媽必買Items!

鍾意露營係無分年齡嘅! 小編係日本露營嘅時候, 就見過有朋友仔帶埋手抱嘅BB去露營. CHUMS最近推出咗幾款可愛到無朋友嘅Baby產品, 採用 Chums 特有設計, 材料及剪裁, 為各位Baby開季做好準備.


當中以下幾款, 係小編重點推介! 營爸營媽必入!


100% 純棉連身衣

CHUMS 經典 Elmo 抓絨嬰兒連身衣, 單睇外表已經可愛到爆燈! 衫仔上繡有CHUMS標誌鰹鳥, 腳邊位置用咗鰹鳥紅腳設計, 可愛又有玩味.

整件衫仔用上蓬鬆觸感嘅羊毛製成, 重量輕而且有出色保溫性, 不論外穿或者當內搭都岩用.

尺寸 70/80cm, 可以穿到1歲左右, 衫仔長拉鍊設計可以正面打開, 方便穿脫.

CHUMS嬰兒圍兜套裝

CHUMS推出嘅Baby系列, 用黎做嬰兒禮物都係一流! 好似呢款圍兜set, 一套 2 件就岩哂!

同樣印有 CHUMS ICON鰹鳥, 由 100% 棉質材質製成, 觸感柔軟溫和又親膚. 頸部有兩個按扣,可以方便調整尺寸. 顏色及設計男女通用, 無論係送比朋友抑或自己BB用都係正!


【限定】Baby Booby 連指手套

系列中必推仲有呢款CHUMS直營店限定, 由日本第一店香川縣東香川市製造嘅Baby連指手套仔. 設計採用唔同配色, 同時有大型鰹魚及鳥斑簇圖案, 按上去仲會發出得意聲音, 得意又好玩!



手套仔由優質棉花及糖線編織製成, 配有唔同尺寸, 可隨著小朋友成長都岩用.


CHUMS可愛防滑襪套裝

一套 2 雙Baby防滑襪仔計印有可愛鰹鳥圖案, 底部有防滑功能, 有成人及兒童尺寸可以選擇, 方便大家襯出有溫馨家庭裝!


Booby Issho Mochi 兒童背包

新系列同時照顧埋大個少少嘅小朋友, 呢款印有鰹鳥圖案嘅迷你兒童背包就岩哂用黎做一歲嘅禮物啦!

迷你背包主設計貼心, 主體開口用上翻蓋式及魔鬼貼, 更附有胸帶, 小朋友背住就唔會甘容易滑落. 整個小背包由柔軟吸汗材料製成, 內襯及承受較大壓力嘅部份採用堅固聚酯材料製作, 表面使用具有拒水、拒油、拒污性能物料Asahi Guard E-SERIES處理劑, 令小背包更加堅韌、耐水及耐髒.


CHUMS其他Baby產品都係非常得意可愛, 大家有興趣可以睇睇. 今年開季, 記得帶埋BB置裝啦!


** 圖片及資料來源: CHUMS Japan

**以後關於露營圖片及分享,記得打Hash Tag #HKHKCAMP


*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此


開季啦! 一文睇哂!2023香港私人露營場地總覽|內付地圖比你慢慢睇~ 請按此!



Comments


bottom of page