top of page
  • 作家相片HKCAMP

生活露營化野炊用具・放入屋企廚房 (鑄鐵鍋編)

已更新:2023年12月30日

小編幾時都話,露營用品一物二用, 可以喺屋企亦都可以喺露營時使用! 咁就多幾個藉口買嘢啦,今次講講野炊用具放入廚房, 讓平常生活露營化,而家我哋就嚟介紹下,各大露營品牌嘅煮食產品,今次係鑄鐵鍋編。


而家嘅露營用具唔止係好用,仲要好靚仔。例如靚靚嘅鑄鐵煲、 保溫杯同各式廚具, 今次搵你分享一下Chums、snow peak 、LOGOS等⋯⋯露營野炊用具,放佢入屋企廚房可以隨時感受到露營野炊嘅樂趣。用具質量一啲都唔差,非常耐用唔係得個樣,隨時煮出九大簋都,第一編先同大家分享鑄鐵鍋編。


鍾意睇更多露營資訊,記得俾個like我哋IG或者Facebook





鑄鐵鍋


首要講講鑄鐵鍋,鑄鐵鍋材質係透過乾沙模(Dry Sand Mold)製造出內外層鑄模,再將燒至1400度高溫的生鐵注入沙模,待鍋子成型再打磨,咁亮打造出一體成型的精巧鑄鐵鍋。

 

由於鑄鐵鍋含碳量高,結構緊密結實,只要保養得好隨時可以用數十年, 優點包括: 傳熱穩定均勻、保溫效果好、保留食物原味等等, 而且一個鍋可以炒、煮、炆、燉、炸,亦都易於清潔,因此成為深受露營人士喜愛,但缺點就係比較重。


小編搵嚟snow peak同Chums及Logos鑄鐵鍋, 某啲款仲對應電磁爐,好適合放喺我哋香港嘅家中。


1.snow peak コンボダッチデュオ(CS-550)


snow peak鑄鐵鍋香港唔多人用,但日本對呢套就好高評價,一套4件包括: 1鍋 3鑊。 基本上能應付所有嘅烹調方式, 適合二人使用。鍋口7吋Size,套裝係三個品牌中最輕嘅只有4kg, 但唔對應IH電磁爐, 所以如果屋企只有電磁爐嘅朋友就未必用啦。


售價31,350

photo: snow peak jp

photo: snow peak jp

photo: snow peak jp


2. Chums チャムスダッチオーブン10インチ


喜歡Chums都怕我可愛雀仔造型吸引,就連鑄鐵鍋蓋上都有佢嘅腳印。 口10吋重量約6kg,佢嘅好處就係對應IH電磁爐, 意味着係屋企用電磁爐嘅朋友都可以適合, 仲附送一個LOGO袋比你隨時去露營用。


售價9,680


photo: chums jp


photo: chums jp


3. LOGOS 鑄鐵鑊+鍋套裝


最後LOGOS 小編認為係唔錯嘅選擇, 首先同snow peak一樣係套裝,9吋Size適合大部份煮食唔太細,共用同一個蓋。可對應IH電磁爐, 套裝總重量約7kg,價錢算係一個比較合理CP值都唔錯嘅價錢。


套裝售價14,000円



photo: logos jp


總結一下,鑄鐵鍋係露營或家中煮食嘅必備利器。耐用、保溫且多功能,能夠係唔同環境中應對各種烹飪需求,燒烤、煮湯還是烘烤,都能夠幫你輕鬆準備美食。 嚟緊下一篇會再分享唔同嘅一物二用野炊煮食用品, 以後無論喺屋企屈露營買一套就搞掂晒。


*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此


開季啦! 一文睇哂!2023香港私人露營場地總覽|內付地圖比你慢慢睇~ 請按此!


Comments


bottom of page