top of page

冰箱要出動喇!THE ICE ERA COOLER BOX55L

冬天不再,夏季要來,呢幾日溫度有30度?怕熱嘅小編已經忍唔到要換上夏天衫、飲凍野,出外露營或BBQ想食材保持新鮮,又想飲啖冰凍啤酒,打算入手冰箱就不妨考慮最近POST GENERAL推出嘅特大冰箱THE ICE ERA COOLER BOX55L。


鍾意睇更多露營或潮流資訊記得俾個like我哋IG或者Facebook



箱如其名,足足有55公升(W740 x D420 x H450mm),就算你要放12枝大啤入去去唔成問題,但飲得哂可能就大問題啲。



THE ICE ERA COOLER BOX55L以高耐光嘅低密度聚乙烯構成,陽光充沛嘅日子都唔怕影響內在溫度。箱蓋亦有橡膠鎖帶密封,就算冰塊部分開始溶化,都唔會因為水分流失而令溫度有太大變化,維持長時間冰冷狀態。



咁大咁重又裝滿糧草,當然要配備大車轆,方便你輕鬆移動,由停車場拉到扎營地點都可以輕輕鬆鬆、唔洗用哂全身力氣。




除咗配色好睇,係箱頂蓋上印有間尺刻度,雖然小編唔知咩情況底下用得着,但起碼切菜都切得工整過人,更又有兩個放飲品嘅凹位,切下蔬菜、飲罐啤酒,都爽嘅!




除咗當枱咁用,最值得加分嘅係蓋側配有不銹鋼開瓶器,根本為飲酒而設,係你選擇冰箱嘅不二之選!

 

** 以上圖片及資料來源: THE ICE ERA COOLER BOX55L

** 以後關於露營圖片及分享,記得打Hash Tag #HKHKCAMP



*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此


開季啦! 一文睇哂!2023香港私人露營場地總覽|內付地圖比你慢慢睇~ 請按此!


露營想拍下開心回憶, 一部全方位又輕巧嘅相機一定要有!



Comments


bottom of page