近年各大汽車品牌都開始轉投電動車市場，相繼推出純電系列，但正當全世界都着眼於電動車嘅發展，其實市面上仲有好多值得擁有嘅優質汽油車，就好似日本三菱汽車推出多年嘅DELICA D:5系列，車中泊汽車露營好拍檔。 鍾意睇更多露營資訊記得俾個like我哋IG或者Facebook！
DELICA D:5係少數具有MPV載客載貨能力，又同時配備SUV機動能力嘅車型，一直深受家庭客、露營愛好者喜歡。雖然車系推出近56年，但三菱汽車仍然為車系投入唔少資源，近幾年推出嘅facelift版 「JASPER」，更增加車系專屬嘅野外裝備，為車系注入新動力。
DELICA D:5 JASPER配備2.2L柴油引擎，加上8速運動模式A/T波箱，馬力強大之餘又能保持車箱空間寧靜。而且用上品牌引以為傲嘅AWC (All Wheel Control)電子操控4WD系統，就算再惡劣嘅道路、上落大斜坡都能夠輕鬆駕馭、唔會頭搖又尾擺。
除咗良好操控感，內飾裝置都充分考慮駕駛者、乘客嘅使用感，用上一般要老闆車先見到嘅標準配置，如冷暖座椅、電動側門、電動尾門、上落腳踏板等等。更考慮到戶外活動嘅需要，座椅面料都用上防水絨面人造皮革「Grand Luxe R」，好睇又提升耐用程度。
三菱亦為車系設計專用而實用性高嘅鋁製車頂載物架，長1,804mm×寬1,239mm×高154mm，即使安裝後車身高度都唔超出2.1m內，而且最大載重達50kg，方便日常使用。
三菱未見有為出電車而放棄DELICA D:5呢個傳統車系，反而定期同用家搞下車聚，推介下露營車中泊熱點，用心去了解用家體驗，就係因為咁，先會吸引到一班忠實fans繼續支持。
** 以上圖片及資料來源: MITSUBISHI MOTORS
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!