Plan 好農曆新年 4 日長假期嘅節目未呢？除左指定動作拜年同打牌之外，小編仲約左朋友行山賞「年花」。咩喺「年花」？「年花」即吊鐘花，於農曆新年前後開花，所以英文名叫Chinese New Year Flower。只有 1 個月觀賞期非常短，要把握好時機！
（圖片來源：Facebook 香港行山風景攝影會 Winson Lam）
吊鐘花花瓣多為淺粉紅至桃紅色，花底有半透明苞片襯托。開花時，花朵倒掛喺纖長嘅花柄上，形如倒掛金鐘，得名為吊鐘花，亦有「金鐘一響，黃金萬兩」嘅吉兆。吊鐘花生長喺山野間，香港都幾多地方可以欣賞到，小編介紹兩條路線，一易一難，任君選擇。
紫羅蘭山 ｜ 適合行山新手
紫羅蘭山位於港島南區，屬大潭郊野公園範圍，海拔 433 米。地理位置甚佳，方便到達，中環交易廣場巴士總站搭 6 號巴士，至黃泥涌水塘公園站下車。以黃泥涌水塘為起點，途經紫羅蘭山徑、紫崗橋再走到大潭水塘，全程約 6.5 公里，走畢約 3 小時，路線平坦，唔算辛苦，BB級行山新手都啱！吊鐘花主要分布山腰位置，花朵呈粉色，有各種大小花蕾，尤其 2 月開得最茂盛喺最佳觀賞時機！吊鐘花數量唔算好多，但勝在交通方便，慳返好多時間，啱晒半日遊，行完仲可以食個tea！上到山頂更加可以俯瞰大潭水塘，風景優美！
（圖片來源：Facebook 香港行山風景攝影會 Winson Lam | 攝於2023年1月）
（圖片來源：Facebook 香港行山風景攝影會 Winson Lam | 攝於2023年1月）
（圖片來源：Facebook 香港行山風景攝影會 Winson Lam | 攝於2023年1月）
（圖片來源：Facebook 香港行山風景攝影會 Winson Lam | 攝於2023年1月）
路線：黃泥涌水塘公園 》紫羅蘭山徑 》紫崗橋 》大潭水塘
全長：約 6.5 公里
需時：約 3 小時大枕蓋 ｜ 適合有經驗及體力較佳山友
大枕蓋位於西貢區，劃入西貢東郊野公園範圍，海拔 408 米，非常多人觀賞吊鐘花嘅熱點。位置冇紫羅蘭山咁方便，西貢市中心搭 94 號巴士至上窰站落車，巴士班次比較疏落，記得較好時間出發啦！路線全長約 5 公里，需約 2.5 小時，從鹿湖郊遊徑入口開始往大枕蓋山方向行走，大約 1.5 小時登頂。西貢大枕蓋要攀爬落斜，體力少啲都唔掂，屬中級行山路線，適合有一定經驗嘅行山人士，新手就唔好貿然挑戰啦！登頂嘅一段路全程上樓梯，幾乎冇休息位，最好著返對抓力強啲嘅行山鞋好好保護對腳！吊鐘花主要集中喺山頂東部嘅山坡上，企喺山頂可以俯瞰一片吊鐘花林，相當浪漫唯美，所有辛苦都喺值得嘅！
（圖片來源：Facebook 香港行山風景攝影會 楊芥蘭 | 攝於2023年1月）
（圖片來源：Facebook 香港行山風景攝影會 楊芥蘭 | 攝於2023年1月）
（圖片來源：Facebook 香港行山風景攝影會 楊芥蘭 | 攝於2023年1月）
路線：北潭涌 》萬宜坳 》大枕蓋 》鹿湖郊遊徑 》鰂魚湖
全長：約 6.5 公里
需時：約 2.5 小時溫馨提示見到吊鐘花必須「眼看手勿動」，吊鐘花受《林務規例》保護，採摘或砍伐野生吊鐘，即屬違法。
** 以上圖片及資料來源: Facebook 香港行山風景攝影會
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!