2004 年被《時代週刊（亞洲版）》選為亞洲區「最佳市區遠足徑」，2019 年又被美國有線電視新聞網 CNN 評選「全球最佳23條遠足徑」之一，連外國人都識嘅龍脊，作為香港人必定要到此一行！
（圖片來源：Facebook 香港行山風景攝影會 Sai Ho Wong）
龍脊位於香港石澳，是指由打爛埕頂山至雲枕山之間的一段山脊路。由於山巒高低起伏，遠睇有如龍的骨脊，故稱之為「龍脊」，沿途更可飽覽大浪灣、石澳等絕美景色。龍脊行山難度低但擁五星靚景，難怪愈來愈出名，連外國人都慕名而來。
登遊龍脊，小編建議路線起點由「土地灣村」出發，上到「打爛埕頂山」山頂，走過龍脊山嶺，抵達馬塘坳，最後以「大浪灣」為終點離開，全長約 8.5 公里，約需 3-4 小時。點樣去到「土地灣村」？到達筲箕灣站後，於巴士總站乘搭 9 號巴士於土地灣落車，沿港島徑第八段上山。
龍脊頭一兩公里須爬坡，而且冇樹蔭遮擋，中途冇退出路線，起行前最好食個早餐先，確保有充足體力應付！同埋記得做好防曬、帶備足夠飲用水同補給食物！沿陡斜山路上到高 284 米打爛埕頂山約 1 小時，山頂風景非常開揚，飽覽鶴咀半島、石澳哥爾夫球場以及大潭港 270 度景觀！可以無障礙盡情打卡，順便唞一唞！企喺到會覺得美麗嘅風景絕對值得付出汗水同體力！
（圖片來源：Facebook 香港行山風景攝影會 Sai Ho Wong）
（圖片來源：Facebook 香港行山風景攝影會 Sai Ho Wong）
（圖片來源：香港旅遊發展局）
落山途中見到路牌，如果支持唔住想返屋企休息，可以向石澳道方向行；如果想繼續行，就可以向大潭峽方向出發前往「大浪灣」。由馬塘坳到大浪灣喺全程最難走嘅一段，因為要往下走約 1000 石階，最好喺打爛埕頂山山頂補充足夠體力先至再出發呀！
登遊龍脊
建議路線：土地灣村（起點） 》打爛埕頂山 》龍脊 》馬塘坳 》大浪灣（終點）
全長：約 8.5 公里
需時：約 3-4 小時
交通（起點）：筲箕灣站的巴士總站搭 9 號巴士，「土地灣」站落車
交通（終點）：沿大浪灣道南行 15 分鐘至石澳道，搭 9 號巴士前往市區
** 以上圖片及資料來源: Facebook 香港行山風景攝影會 Sai Ho Wong 、香港旅遊發展局
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!