隨著紅花嶺郊野公園嘅正式成立，香港人假日又多一個消遣好去處，按照漁護署嘅資料顯示，郊野公園內設有兩條全新行山徑，分別係「紅花嶺郊遊徑」及「蓮麻坑郊遊徑」，有別於普遍行山徑，沿途除咗可以飽覽漫山遍野紅杜鵑美景，更有歷史建築麥景陶碉堡同舊礦場遺址，行程相當豐富。
紅花嶺郊野公園面積約530公頃，毗鄰深圳梧桐山邊境禁區，除咗開闢遠足徑網絡、觀景點等嘅康樂設施，亦已經裝置告示板、方向標誌、避雨亭等必要輔助配套，方便行山客安排休息點。
目前只有兩個主要出入口開放，其他兩個入口仍因為工程未開放，根據官方網站嘅指示，行山人士可以由沙頭角担水坑出發，經山咀村路及連接路徑步行約30分鐘，即到達紅花嶺郊遊徑入口。再沿紅花嶺郊遊徑（3.5公里）步行約2小時，就會到達與蓮麻坑郊遊徑的交接處。
繼續沿蓮麻坑郊遊徑（2.6公里）步行約1.5小時到達蓮麻坑村，然後使用連接路徑步行20分鐘往蓮麻坑路（邊境禁區外）乘公共交通，例如巴士78K或者小巴59K離開。
年底前，公園內嘅蓮麻坑鉛礦遺址亦會活化為開放式博物館，介紹舊時工業採礦歷史，令行山旅程更豐富有趣。
始終公園位置人跡罕至，而且山勢崎嶇，郊遊徑又需要步行大約四至五小時，建議量力而為，留意天氣情況、好好計劃行山路線先出發。
** 以上圖片及資料來源: 紅花嶺郊野公園
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!