一去露營深似海，唔少啱啱入坑嘅新營友，見到新裝備就會心思思。不過買之前， 做定功課, 睇唔同review先可以做個精明消費營人！
最近有營友報料，Komeri 自家戶外品牌 Natural Season係春季將會發布新款露營產品！ Komeri Natural Season強調簡單、易用，以合理價錢提供各類高質露營及戶外用品見稱。一齊睇吓 Natural Season 即將於春季發布嘅 2 款露營新品啦。
巨型圓頂遮陽簾
圓頂遮陽簾尺寸4 X 4M，寬敞空間感十足，可容納約 8-10 人，一家大細或者一班朋友都裝得晒。天花板有個掛鉤可以掛燈。天氣開始熱，有時寧願留喺屋企都唔想出街曬，不過遮陽簾紫外線阻隔率超過 97 %，仲有一塊可拆卸水平窗簾，裝埋就可以全方位阻擋陽光照射，免受紫外光傷害。另外採用耐水壓 2000 毫米布料製成，輕鬆應對突如其來嘅驟雨。唔好睇佢好大嚿，摺埋輕鬆收納又易攜帶！價錢為 19,800日圓（含稅）。
戶外扶手椅
想盡情享受戶外時光，喺圓頂遮陽簾底下加張扶手椅就Perfect池！有 4 種顏色可供選擇：卡其色、米色、黑色、酒紅色，扶手部分仲有個飲料架，可以放飲品／擺手機，坐坐吓可能會舒服到瞓著。價錢為 1,380日圓（含稅）。
兩款商品預定 2024 年 3 月 15 日起發售，有興趣就唔好錯過啦！
** 以上圖片及資料來源: KOMERI
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!