時間唔等人，喺有限嘅時間做最多值得一生都記得嘅事，留住最美好嘅畫面，韓國旅遊發展局 Go Camping網頁 就為一眾露營友，整合2023年間獲營友熱愛、最值得記住嘅優質露營場地，等去過嘅人可以好好回憶，而未去過嘅就要bookmark定你2024嘅wish list，及時出發留下屬於你嘅美好露營回憶喇！ 鍾意睇更多露營及潮流資訊記得俾個like我哋IG或者Facebook！
營地位於南韓光陽市，係遠離首爾嘅南部沿海城市，可以遠眺為人熟悉嘅智異山同風景秀麗的白雲山山麓。營地附近生長大量高聳入雲嘅天然杉樹、柏樹等，讓你置身於空氣清新、純天然嘅環境，非常寫意。
白雲山自然休養林汽車露營地擁有數百個露營位置，更加設置森林木屋、27個露營車位等，glaming camping都可以任君選擇。場地入面嘅森林文化娛樂中心提供洗手間、淋浴設施，滿足入住期間嘅需要。
營地內嘅植物生態林、視訊體驗中心、水上樂園、登山步道、生態步道，提供一系列嘅周邊活動，入住期間都可以盡情享受、安排適合自己嘅野外活動。
如果想順路嚟個深度探索，更可以參觀營地附近嘅旅遊景點 玉翎寺山茶花林 就最適合不過。玉翎寺山茶花林周圍約有7000株山茶花樹，又可以體驗寺內嘅傳統文化活動，例如茶道、陶藝、染色、傳統手工豆腐製作等。
如果唔想離首爾市中心咁遠，可以考慮同樣出色嘅
忠州木溪松林露營地，同森林營地唔同，有廣闊草原而且毗鄰漢江邊，可以一邊感受舒適嘅河風，一邊自由咁露營。
營地共有168個露營地，所有露營地都有供電系統，滿足城市人露營期間嘅充電需要，為手機、電子產品充電之餘，更方便使用電暖設備，冬天落雪都唔怕。
其中78個營地位置更適合停泊露營車，泊車位配備供水、廢水處理設施，以及一個垃圾站，設合車上嘅煮食需要，車位附近更有足夠廁所、淋浴空間，唔洗怕要排長龍等沖涼。
營地範圍內仲有一間小商店、農產品銷售中心，萬一買唔夠食材都可以即場購買，不過要留意營業時間，提前購買定足夠食物。
3） 太白山國立公園索多露營地
太白山國立公園索多露營地主要提供露營車停泊位，基礎設施優良，更配有比較少見廚餘垃圾處理器，即使煮完大餐都可以適當咁處理廚餘垃圾，減少對野外地方嘅污染。
除咗泊車位，營地建有三座方便露營者出入嘅康樂大樓，方便營地使用者煮食，使用投幣式淋浴系統沖涼，野外留宿都可以保持衛生清潔。
雖然營地只係位於太白山山腳，但海拔達863米，人跡罕至而且空氣清新，東、西、南面都被森林包圍，如果清晨時分係森林間短跑、呼吸清新空氣，真係咩煩惱都可以拋諸腦後。
露營區旁嘅行人步道可以連結到森林體驗設施，無需攀山涉水都可以親親大自然，漫步於天空步道同登上展望台欣賞遼闊山林景色，沉浸於大自然嘅寧靜之中。
世界咁大，各地都有好多高質素嘅露營場地，值得你同我去探索，快啲把握時間，2024 here we go!
** 以上圖片及資料來源: 韓國旅遊發展局 Go Camping
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!