係香港要燒柴起火唔係易事, 露營時想起個營火可以講係輕奢享受. 不過露營著重儀式感, 想像一下露營時大家可以圍住火光紅紅, 暖笠笠嘅營火, 一邊傾計享受美食, 一邊享受柴火燃燒嘅白噪音, 真係一件非常美好嘅事!
要做到可以係營帳內燒柴起火, 又要顧及周圍使用者安全問題, Snow Peak做到啦! 不愧係露營界LV, Snow Peak 希望露營愛好者可以珍惜彼此圍著火團相聚嘅寶貴時光, 因而設計及推出品牌史上第一個配備可燃木火爐嘅雙層帳篷 Rigel Pro. Stove Plus. 營帳設計, 無論秋冬季, 抑或係春夏季都適用! 以後一年四季都可以讓大家係帳幕內享受露營體驗!
Rigel Pro. Stove Plus營帳中央配備一個特製高功率嘅柴火爐, 可以讓大家圍爐保持舒適溫暖, 大家可以透過火爐四周玻璃窗, 欣賞火焰搖曳, 就好似坐係營火旁邊一樣. 係設計過程中, 團隊需要解決好多結構上考慮, 反覆驗證, 保證Snow Peak品牌, 同時注重安全!
專業成就更佳露營享受
Snow Peak出品嘅露營及戶外用品, 品質一值有保證! 品牌史上第一個配備柴火爐嘅帳篷, 無論係選用物料, 結構, 設計都非常花心思. 內置火爐必須考慮環境及天氣因素, 無論係咩環境及天氣下使用, 都唔會影響火爐正常運作為大前題, 因此, 包圍火爐嘅營帳必須要堅固及防風.
主體選料堅固、防風、防火花
營帳主體採用易於搭建、防風抗風嘅貝殼型框架為骨幹, 配合比 Pro. 系列更薄、更堅固嘅聚酯防撕裂面料, 上面覆蓋著由棉混紡製成嘅防火花 TC 全外帳. 除咗唔會受外界溫度影響外, 設計仲可以促進空氣流通.
主體及外帳都設有四個通風位置, 可以大大提高通風功能. 火爐設置於營帳中央, 有更多空間讓大家圍著火爐取暖.
火爐及煙囪設計堅固安全
Rigel Pro. Stove Plus 係一款燃木火爐, 四面裝有玻璃窗, 無論咩角度都可以欣賞到營火火焰.
火爐兩側都有門, 方便大家係唔同位置加入柴枝, 感受就同營火一樣.
火爐火力強大, 內部設有兩處二次燃燒板，設計充分考慮安全性, 可以防止火花飛散.
另外, 爐上桌面都可以防止大家無意接觸到火爐而引起危險.
煙囪由四條帶拉住固定, 四條帶拉力可以防止營帳頂部倒塌外. 更可以消除煙囪及窗簾之間隙縫, 防止雨水滲入.
營帳面積寬敞 保暖及通風效果良好
Rigel Pro.係Snow Peak最大嘅帳篷之一, 面積大, 配備頂蓋, 可以覆蓋主機頂部, 減少雨水及陽光直曬嘅影響.
營帳主體及TC外帳嘅完整雙層結構, 可以保持室內溫度, 加上網窗數量多, 帳篷內空氣流通, 可以令暖空氣流動到營帳內唔同位置, 設計細心為大家提供一個通風良好又舒適嘅空間一齊享受露營共聚樂趣.
配備一氧化炭檢測器及教學 安心又放心
營帳配備一個一氧化炭檢測器, 方便大家留意帳篷內一氧化碳含量, 確保安全使用. 而且佢仲係枝營燈, 可以一物二用!
露營界LV當然比人行前一步, 為咗讓大家可以安全使用Rigel Pro.Stove Plus, Snow Peak專為Rigel Pro. Stove Plus開設訓練課程, 大家可以係設有「培訓」嘅專門店參加課程, 如果大家有任何關於Rigel Pro. Stove Plus嘅疑問, 都可以聯絡商店查詢及預訂!
如果大家有興趣, 記得留意Snow Peak產品經銷商及網路商店資訊啦!
**以上圖片及資料來源: Snow Peak JP ** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!