世界各地都愈嚟愈多高質素嘅 露營 x Glamping場地，除左日本、韓國，同樣熱愛露營文化嘅台灣當然都唔係例外，當地名為「蟬說」嘅旅宿集團近期大受歡迎，佢地係台中、新竹、南投等地區設有5個露營旅宿場地，而其中位於新竹市嘅「霧繞WooRao」就千祈唔可以錯過喇！
按照官方介紹，「WooRao」係當地原住民泰雅族語，代表「肥沃的土地」，地點位於新竹市五峰鄉白蘭部落，營地獨特之處就係入住期間可以體驗泰雅族人係野外生活嘅傳統智慧、又可以體驗當地人嘅飲食文化，唔只露營咁簡單。營地負責人會不定期舉辦有趣嘅原住民活動，例如「森林系編織鑰匙圈 DIY」活動，俾你親身感受原住民嘅傳統智慧。
霧繞WooRao營地提供受旅行喜愛嘅一泊二食套餐，附近被翠綠山巒、高聳入雲嘅杉樹林圍繞，空氣清新自然，享受住宿美食嘅同時，又可以好貼地咁體驗當地美食、人文風情等。
霧繞WooRao營地與大自然融為一體，唔同時間嚟到都會有截然不同嘅體會，假如你計劃春天季節入住，將有機會欣賞美麗粉紅嘅富士櫻花，彷彿置身日本京都一樣，浪漫怡人。隨季節轉變，當繡球花盛開嘅時候，又係另一番風景。即使盛夏時間嚟到，都可以欣賞漫山閃閃啲螢火蟲，享受浪漫醉人一刻。
營地共提供三種房型，包括有野外營帳「山谷小鹿」，營帳搭建於杉樹林旁，愛體驗戶外生活嘅你就最適合不過，四周寧靜又舒服，帳內可以容納兩張雙人床，空間感十足，同時又可以係帳幕外嘅活動區用餐，望住靚景食飯。
如果想要多啲私隱，就可以選擇「好冬小屋」，位於營地山腰上嘅小木屋，打開窗門就可以遠眺營地入面嘅山林景色，房內有齊酒店房都有嘅設備，就連雪櫃都有，想買杯雪糕食都有位放。
如果想再特別啲，就可以入住「山眠小車」露營車，位於營區最高點，窗外直望雲海山林景致，加上舒適嘅室內空間，令人樂而忘返。
值得注意嘅係營地注重環保，入住期間都唔會提供牙刷牙膏等即棄用品，出發前記得自己準備喇！
** 以上圖片及資料來源: 霧繞WooRao
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!