top of page

「東京戶外展2024」再度回歸

計劃6月尾去東京嘅話,一定唔可以錯過「東京戶外展2024 (TOKYO OUTDOOR SHOW 2024)」,作為日本戶外用品商嘅年度盛事,集結全日本不同戶外用品品牌,展示最新露營用品、露營汽車裝備、戶外休閒服飾等等,包你睇到唔願意走! 鍾意睇更多露營或潮流資訊記得俾個like我哋IG或者Facebook


呢項盛事自2012年開始係澀谷區舉辦,其後愈搞愈大型,各商店除咗趁呢個活動推出最新產品,活動更邀請知名藝人參加,分享佢地野外戶動玩樂心得,場內更有唔少商店提供美食、啤酒,俾你邊買、邊食,非常吸引。



帶埋小朋友一齊去都唔洗怕,因為展覽會設有多個戶外用品體驗,俾你即場試用,唔怕細佬悶到喊、提早要返酒店,大人細路都可以玩得開心。


產品種類之多,絕對足夠安排一天時間慢慢行、慢慢欣賞,更有機會搵到富有日本特色嘅戶外用品,好似呢部戶外用嘅暖清酒機,買返香港做手信一流!



活動一連三日係「幕張展覽館」嘅國際展示場展示廳9・10・11舉辦,記得mark定行程:


  • 2024年6月28日(星期五)

  • 2024年6月29日(星期六)

  • 2024年6月30日(週日)


除咗露營用品,仲有登山、釣魚用品等,總有一樣岩你心水,買定機票同屋企朋友一齊出發、掌握最時尚嘅戶外活動資訊喇!


睇完日本千祈唔好唔記得香港都有我哋嘅《HKCAMP香港露營文化祭2023》,日子定好啦7月13-14日,好期待大家再嚟中環一齊玩,密切留意站頁公布。



 

** 以上圖片及資料來源: 東京戶外展2024

** 以後關於露營圖片及分享,記得打Hash Tag #HKHKCAMP



*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此


開季啦! 一文睇哂!2023香港私人露營場地總覽|內付地圖比你慢慢睇~ 請按此!


露營想拍下開心回憶, 一部全方位又輕巧嘅相機一定要有!



Comments


bottom of page