【潮流玩樂】年輕愛潮流，而潮流興纖巧！以前覺得大大舊嘅嘢而家愈變愈細，成日周圍露營嘅小編特別期待每樣又細又輕嘅產品，每次見到都真喺忍唔住要比個 like 設計師！
今次呢個 like 要比由日本相機配件品牌 Kenko推出嘅玩具相機 Toy Camera Pieni，雖然叫做 Toy Camera，外形都似足玩具，不過就喺一部如假包換僅重 18 克嘅超輕超迷你相機，唔單止可以影相，仲具有拍片、錄音功能，真喺令小編嘆為觀止！
雖玩具．但外型復古講究
外觀相當討好，復古相機設計，啱晒而家流行嘅復古風！有檸檬黃、黑色、淺藍、粉紅 4 隻顏色。
附送皮製頸帶非常容易 Carry，由於超輕超細，掛喺條頸全日都唔會覺得痛，隨手紀錄生活每個出其不易嘅瞬間！就算唔用嚟影相，當配飾都好鬼潮！
插咗 Micro SD 卡就可以開始 — 講明喺玩具相機，對象當然包括埋小朋友啦，操作非常簡單易用！只有「開關」同「模式」兩個制，總共 3 個模式：拍照、錄影、錄音，按一下「模式」制就可以逐個切換。搞亂咗都唔駛驚，仲有 LED 燈貼心指示， 紅燈代表拍照；藍燈代表錄影；紅藍燈代表錄音。拍完之後用 USB 連接電腦，就可以喺電腦觀賞返所有作品！
相機背面更有內置磁鐵，可以貼喺雪櫃，做到裝飾之餘又唔會大頭蝦整唔見！調較好角度仲可以噤制影相/拍片添，唔駛擔心手震會影到蒙查查！
玩具相機出嚟嘅質素、效果雖然比唔上智能手機，喺比較似油畫嘅感覺，試下其他風格都非常新奇有趣呢！
** 圖片及資料來源: KENKO TOY CAMERA DSC PIENI
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!