2023 年好似眨吓眼就完，時間快到捉都捉唔住，但每個時代嘅經典作品，就好似將最美好嘅一刻保存落嚟咁，除咗前排先介紹完嘅 LAND CRUISER 70，佢嘅上一代 FJ40 系列更算得上經典中嘅經典！就算佢媲美唔上 PORSCHE 嘅速度或者 TESLA 嘅科技，FJ40 系列嘅 HJ45 吉普車絕對係車迷對「越野車」呢三個字嘅完美演繹。 鍾意睇更多露營資訊記得俾個like我哋IG或者Facebook！
HJ45 吉普車於 1973 年推出，以強悍性能作為設計重心，用上 3.6L 直6 OVH H型柴油引擎，所以汽車型號理所當然都用上「H」嚟命名，而最大 94 匹馬力輸出係70年代嚟講算係相當出色，絕對經得起時間嘅考驗。
最經典莫過於 HJ45 吉普車嘅軍車外型、外置排氣喉、傳統三輻式風油軚、簡潔復古嘅儀錶板再配搭棍波變速箱，滿足駕駛者嘅操控感，俾接載嘅乘客都有滿滿嘅儀式感。加埋個 Bushveld Hard Shell 露營車頂帳，揸去兩日一夜睇埋星星，喺浪漫嘅極致，新一年包你有個好開始。
Bushveld Hard Shell 露營車頂帳以空氣動力學設計，唔會大大增加風阻，而軍用級別嘅防風防雨面料，絕對襯到部HJ45有餘。就算外面風吹雨打，加上 39英寸 X 25.5英寸嘅天窗，當你捲起所有窗戶，俾微風由網窗穿過，喺屬於你同伴侶嘅個人空間，舒適又寫意。
** 以上圖片及資料來源: HJ45、 Bushveld Hard Shell
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!