呢期個個揸越野車款，唔通真係中意「越野」咩？但愛「越野」嘅你，實會對2023改版既Toyota 經典越野系列 Land Cruiser 70 充滿期待喇！因為今次改款推出，無論外型、內在都同時升級，售價為480萬日元(約港幣260,000)， 相信之後會見到日本人，渣去車中泊或露營。
Land Cruiser 70 車系自 1951 年推出至今已經陪伴一眾車迷 72 年咁耐，一直以可靠、耐用性高吸引唔少車迷。按照 Toyota 係 11 月 29 號公開嘅設計細節，頭燈部分改為圓形的 Bi-Beam LED 配合鋸齒形狀燈罩，細節位都配搭得型格十足。
水箱護罩設計換上全新嘅蜂巢造型，中置 Toyota 字樣，再加上黑色前保護桿，盡顯出「越野」嘅粗獷味道，越野「純正血統」嘅完美演繹。
載貨實力依舊強勁，即使一家五口加埋隻狗都綽綽有餘，後排座位亦可以按實際情況翻低嚟調動佈局，再加上雙尾門設計，去露營擺幾多都唔成問題喇！
安全系統方面，加入 Toyota Safety Sense 主動安全系統，搭載毫米波雷達同鏡頭，就算車身長達 4.89 米，都可以輕鬆駕馭，唔洗下下都 8000 轉兩咪車嘅。
正常涉水水深可達 600-700mm，小編相信除非 1000 年一遇嘅大洪水，呢個涉水深度絕對可以話係靠得住！
除咗近年常見嘅 LDA 車道偏離警示、DAC 下坡輔助控制及 SRS 安全氣囊等等，為咗充分發揮 4WD 四驅性能，配上前後電動差速器及鎖定機制去增加前或後輪嘅驅動力，即使發生空轉或者跣呔都唔洗怕。
最值的關注當然係動力系統，新車不再使用傳統汽油引擎，反而用上 2.8 升直噴渦輪柴油引擎，原因好簡單，當然為咗提高馬力，令到扭力達 500Nm，同 Ford Ranger 有得揮！
官方公布嘅油耗數據同樣令人滿意，只係 10.1km/L，雖然數字純粹參考，但對咁大 c.c. 車嚟講算係相當出色。
*圖片來源: Toyota
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!