reneeman122
- 1月16日
- 讀畢需時 2 分鐘

行山BB班・粉嶺流水響郊遊徑 — 港版輕井澤森林中的天空之鏡

早排小編介紹過香港濕地公園落羽松天空之鏡，唔知大家有冇去轉個圈呢？趁住紅葉季尾水，小編再介紹一個充滿日本風情，被封為「港版輕井澤」 — 流水響水塘！早上 8/9 點太陽光線比較柔和，湖面倒影會更清晰，絕對喺影「天空之鏡」最佳時機！

呢篇文章仲會介紹周邊營地，唔係只得行山路線咁簡單。

鍾意睇更多露營資訊記得俾個like我哋IG或者Facebook！

（圖片來源：Facebook 香港行山風景攝影會 Winnie Lam）

簡介流水響水塘位於八仙嶺郊野公園內，龍山東北一帶，處於粉嶺平原東北端。水塘屬灌溉水塘，容量約17萬立方米，水庫規模較小。流水響水塘水塘相當深，顏色碧綠，素有「香港天空之鏡」的美譽。交通粉嶺站 C 出口對面小巴總站，乘搭往鶴藪 52B 綠色專線小巴（約15分鐘車程）。經過八仙嶺郊野公園路牌後，流水響道與鶴藪道交匯處落車。落車之後沿流水響道步行15分鐘至流水響水塘郊野公園入口。

路程

流水響內有一條郊遊徑，屬於環迴步道，起點與終點都在水塘附近。郊遊徑全長約 4.4 公里，行完全程約 2 小時，就算行山新手都可以輕鬆征服。前段簡單易行，大部分路徑皆有樹蔭；後段坡度雖然較為陡峭，須爬坡，勝在有涼亭、燒烤場等休憩設施，行到攰坐低唞吓補充體力再出發。流水響左右兩邊景色截然不同，而家又有落羽松紅葉打卡，早啲起身都抵啦！