最具人氣嘅離島 — 長洲，除左有大魚蛋、芒果糯米糍等等美食之外，「石頭」都非常出色！去長洲搭車又搭船，一場嚟到，點可以錯過長洲美景？今次介紹行山路線「長洲小長城」，小長城喺一條適合家庭遠足嘅家樂徑，十分易行，可以一邊行一邊「尋寶」，重新認識長洲！
（圖片來源：香港旅遊發展局）
去長洲要搭渡輪，班次約30-45分鐘一班，出發前記得 Check 清楚船期，Miss 咗就有排等啦！乘搭港鐵至中環站，步行10分鐘去到中環 5 號碼頭，乘搭渡輪前往長洲碼頭。長洲碼頭落船之後向東灣泳灘方向行。
東灣泳灘轉右直行 5 分鐘，長洲華威酒店山坡下可以見到長洲石刻。石刻刻鑿年代已經無從稽考，推斷由前14世紀先民所刻，在 70 年代被一位地質學家偶然發現，1982 年列為香港法定古蹟。
（圖片來源：Wikipedia）
到達觀音灣後，會見到有條路上山至觀音古廟，就會到達小長城入口，正式開展行山旅程！小長城整條都喺石路，連欄杆都喺石欄，望落去好似萬里長城，所以有「港版小長城」之稱。沿途景色開揚，可以飽覽海岸壯觀景致，又會遇到好各種奇形怪狀嘅石頭，合稱「十六肖石頭」，包括饅頭石、叮噹石、金鷹石、花瓶石、毒蛇石、山羊石、人頭石、睡鶴石、骷髏石、大象石、老鼠石、卧貓石、玉璽石、駱駝石、殭屍石、烏龜石。石頭位置有啲明顯，有啲隱蔽，要搵齊真喺一啲都唔容易， 啱晒鐘意周圍挑戰、有冒險精神嘅朋友仔！
（圖片來源：Facebook 香港行山風景攝影會 Chor Ying Cheng）
花瓶石（圖片來源：Facebook 香港行山風景攝影會 Bryant Anderson）
叮噹石（圖片來源：Facebook 香港行山風景攝影會 Bryant Anderson）
人頭石（圖片來源：Facebook 香港行山風景攝影會 Ling Ling）
玉璽石（圖片來源：Facebook 香港行山風景攝影會 Bryant Anderson）
見到玉璽石就去到小長城終點，繼續步行經南氹灣返返去長洲市中心。未夠喉？可以經南氹天后廟，繼續沿山頂道、山頂道西，去到張保仔洞繼續冒險！
張保仔洞附近仲有《長洲西園》營地，可以睇返我哋文章，有興趣可以試吓啦！
長洲小長城
建議路線：長洲碼頭 》東灣泳灘 》觀音灣泳灘 》小長城 》南氹灣 》長洲碼頭
全長：約 2 公里
需時：約 2 小時** 以上圖片及資料來源: Facebook 香港行山風景攝影會
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!