top of page

【日本露營秘訣EP1】想去日本露營?出發前要準備啲咩?

已更新:2月18日

有Follow開HKCAMP嘅朋友,應該都知道小編第一次露營體驗就係奉獻咗比日本! 所以對於係日本露營真係情有所鍾,不過當時小編係毫無準備,無BOOK好酒店,路過露營場地就膽粗粗去咗露營,大家千祈唔好學! 今次就等小編同大家一齊Plan一Plan!


如果大家打算到日本展開露營之旅,不妨留言或者Inbox討論! 鍾意睇更多露營或潮流玩樂資訊,記得俾個like我哋IG或者Facebook





 
出發前先衡量天氣、季節及預算

講到旅行,大家都急不及待衝哂返鄉下. 有唔少朋友仔唔係單純想去個旅行咁簡單,而係想黎一次日本另類旅遊體驗! 日本天然景色靚,想沉浸式享受日本靚景,露營旅行係一個好選擇!






露營季節

日本人本身都非常鍾意露營,每年夏天 7 月底到 8 月學校放暑假期間,以及 5 月黃金週都係露營熱門時段! 平時國定假日及銀行假期,當地人都會蜂擁到戶外露營及野餐,交通會非常繁忙擠塞,所以建議大家去之前衡量一下,避開繁忙時間.


日本露營場地發展得非常成熟,全日本大約有 3,000 個營地,個別營地會預早3-6個月開放Booking, 唔想Book唔到露營場地失預算嘅話, 強烈建議大家預先預約. 真係Book唔到想碰下運氣? 可以參考一下小編之前介紹過唔需要預約嘅營地, 想了解更多請按此!





天氣

日本天氣有別香港,唔同天氣露營需要準備嘅Gear都有所不同! 係香港即使係山上最凍只係零下4,5度,但係日本溫度可以係零下20度或更低,某啲區域仲會落雪! 對於唔習慣係極端天氣下露營嘅朋友黎講,真係要分外小心,露營新手更加唔好膽粗粗試呀!



大家計劃行程及路線前,要預早做好規劃,做好功課就最穩陣! 大家不妨可以留意一下以下手機應用程式、旅遊網站,都可以幫到大家手做好準備功夫呀!



是否須要租車自駕遊 日本露營場地大部份位置於郊區,相對市區較遠嘅位置。如果自己攜帶建議大家選擇租車自駕遊,令你路程變得更輕鬆更自由,如果想係日本租車,小編就會推介Klook因為簡單清晰,可以一次過睇晒唔同租車公司價錢作比較,而且提供中文免卻左睇日文嘅煩惱。




 

Japan travel by Navitime


相信大家都對呢個app唔會陌生,都可能已經有用開,但呢個app對日本露營有咩幫助呢?就係可以睇到當地嘅天氣,亦可以收到突發天氣訊息,包括地震、暴雪等等嘅旅遊資訊。


就算係要搭火車或者其他交通工具去營地,呢個app都會俾到你最即時嘅資訊,等你可以做好準備,搵到去營地嘅最佳路線。


唔講你唔知,app內有提供溫泉相關嘅資訊,可以搜尋身邊最近嘅溫泉,即使你身在野外,都可以搵個溫泉浸浴一番、享受一下。



Funliday

再好嘅行程都要有地方記錄低先可以,而且要方便更改、隨時隨地都可以查閱就最好不過。準備出發日本露營前,都不妨下載Funliday app,除咗記錄低你嘅露營路線,設有各種功能幫你編排行程,又會提供目的地附近嘅民生商店、旅遊景點,方便你即興加減行程,或者搵地方購買食物等必需品。更方便嘅喺可以比身邊嘅旅伴共同去編輯路線,當行程有改變,其他夥伴都會即時睇到最新嘅行程安排,咁樣露營先夠smart!


網站或下載連結:https://www.funliday.com/download


 

** 以上圖片及資料來源: FunlidayJapan travel by NavitimeCantal

** 以後關於露營圖片及分享,記得打Hash Tag #HKHKCAMP



*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此



開季啦! 一文睇哂!2023香港私人露營場地總覽|內付地圖比你慢慢睇~ 請按此!


露營想拍下開心回憶, 一部全方位又輕巧嘅相機一定要有!


Comentarios


bottom of page