Trangia呢個品牌相信露營愛好者一定認識. 小編都入手咗唔少佢哋嘅產品, 當中一定要數露營野炊神器Mestin!
Mestin雖好, 但有時都覺得佢可以再好啲! 例如想係Mestin內加水位刻度, 方便知道煮飯水量, 如果有埋其他輔助功能就Perfect啦！
Trangia 知道營友嘅訴求, 推出左Mestin好拍檔 Multi Board. 幫大家解決野炊各種需要!
唔係講經! Trangia Multi Board 助你成為野炊高手!
一個高手又點可以唔識煮飯? Trangia Multi Board 刻有水位刻度, 而且可以同時與正常尺寸Mestin及大Mestin一齊使用.
Multi Board左側寫著「Mess Tin Small」, 刻度適合正常尺寸 Mestin 使用, 大家可以清楚睇到唔同水位毫升刻度, 如果使用大Mestin, 可以用Multi Board右側嘅水位刻度.
將Multi Board垂直轉動90度, 就會見到「Small」刻度, 意思係用正常尺寸Mestin煮半杯, 1 杯米時, 所需要嘅水量. 將Multi Board 倒翻轉, 就係大Mestin煮飯水量, 1杯, 2杯, 3杯米合適水位都一目了然. 大家之後就唔愁煮唔成一碗靚飯啦!
點止煮飯甘簡單?
如果只係比大家睇水位煮飯甘簡單, 又點叫得上係神器嘅好拍檔? Multi Board反轉背面仲可以成為切菜板, 方便大家處理唔同食材, 切片蔬菜, 切碎調味品無難度!
側邊有3排小孔, 用黎排水及熱水; 配合正面凹槽, 無論係大細Mestin, 凹槽都可以緊貼Mestin邊緣位置, 防止滑動. 洗米洗菜或者煮意粉後排水, 都唔怕移位, 超級方便! 而且耐熱溫度120℃, 排熱水都No Problem!
環保物料製造 耐用又輕巧
Multi Board由環保材料製成, 使用約70%源自植物嘅原料“聚醯胺”, 耐熱耐磨.
板仔細細, 尺寸8.4 cm ×15.5 cm, 放入正常尺寸Mestin非常岩位, 板上附有槽口, 可以輕易拎出使用. 重量只有45g, 厚度只有3.5mm, 極度輕巧, 方便儲存.
如果話Mestin係露營必備神器, 甘Trangia Multi Board就一定係Mestin嘅好拍檔啦! 今個露營季節, 唔知大家又入手咗未呢?
** 圖片及資料來源: Trangia
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!