今年DLGM 6.0因天雨關係改期到7月30-31係淺水灣舉行。雖然係遠咗啲，但係大會非常細心，安排咗接駁車喺灣仔直接送大家去會場，HKCAMP小編當然第一日就去咗， 當日都有唔少人，同埋見到好多好朋友，等我哋而家一齊分享吓入邊有咩睇先！
DLGM市集係延續Deal Low Gear Market 嘅特色，唔同品牌、特色小店、手作MYOG品牌、二手裝備等等⋯都會係市集見到，不經不覺已經到6.0啦，係露營愛好者尋寶嘅地方。
本地露營用品小店齊集
如果有去過過往嘅DLGM，你會發現！各市集店主都好用心選貨，可以話每間都有唔同特色同風格品味，攪到小編買唔停。大部份店主仲好樂意分享同推介露營用品，可以吹下露營經，絕對係好好嘅交流。
本地特色創意
如果大家有留意我哋HKCAMP，過住都介紹過唔同嘅香港露營品牌！今次市集一樣有出現，新品更非常有驚喜，當中有山系服裝Yamaguest、 客製露營杯及用具草草了事等⋯真係要多多支持佢哋，小編一直見証品牌嘅成長，加油！
Yamaguest多款專門針對露營人士而設計嘅山系服裝，係唔錯嘅選擇，谷主都有著。
(相關報導請按此)
小編個人推介，由草草了事客製嘅廣東歌詞鈦杯，露營用佢更有味道呢。
ORB由香港人手製嘅紙燈罩，好型！
露營必須酒
除咗露營用品外，今次DLGM更有酒？由Wowpapa係日本引進嘅露營清酒，簡易收藏又唔會重！ 輕輕鬆鬆露營暢飲，清酒係由日本新瀉縣津南釀造，有7個味道野炊必備。
(相關報導請按此)
小編DLGM6.0報道就係咁多啦，當日就係咁樣輕輕鬆鬆行咗半日，吹吹水睇睇唔同嘅露營物品，真係好開心！ 天氣雖然熱無得露營，但去市集都係唔錯選擇，之後到我哋HKCAMP都會有唔同嘅露營活動，你哋記得支持。
約定大家，我哋營地再遇！
相片及資料來源： HKCAMP
**以後關於露營圖片及分享，記得打Hash Tag（#HKHKCAMP）
相關資訊: