#日本露營秘訣 繼續同大家詳盡分析去日本露營，需要準備啲咩或者要留意啲咩呢？上回講完去日本露營要用到嘅資訊網站、手機應用程式等，今集EP3將會由露營營地、裝備租借，以及露營野炊安排出發， 推介網站教你預訂。務求令你能夠做好準備，過一個難忘嘅日本露營之旅。 延伸閱讀: 【日本露營秘訣EP1】想去日本露營？出發前要準備啲咩？ 延伸閱讀: 【日本露營秘訣EP2】日本旅行露營・有咩玩同你逐一分析！ 鍾意睇更多露營資訊記得俾個like我哋IG或者Facebook！
日本營地如何搵？
日本面積雖然比香港大、露營場地又相對多，但要搵一個岩你嘅營地其實都唔係簡單，小編推介日本網TAKIBI、nap-camp網頁提供一站式露營場地資訊，可以幫你比較唔同場地嘅分別、特色等，按自已需要揀選場地（如可唔可以明火煮食，提供熱水沖涼等)， 如果有唔想睇日文網站，可以直接喺Klook以及搵本地旅行社代訂
和網頁除咗場地租借，更有提供客製化露營套餐，容許營地使用者自由加購營地不同體驗項目，如夜間觀星、營帳內享受桑拿等等，由場地負責人為你安排節目，就算太忙無時間plan活動都唔洗怕。 TAKIBI https://zh-tw.takibi-reservation.style/ Nap-Camp https://www.nap-camp.com/kyoto/14013 Klook https://www.klook.com
RTG Travel https://www.rtg-travel.com/
日本營地訂位教學延伸閱讀：小編日本露營遊記・露到京都DOD Camp Park (附訂位教學)
租借露營用品推介 其實日本露營，唔一定下下都要帶埋個私家營出發，日本唔少露營用品公司都有提供營具租借，但唔想局限係指定營地使用，又想易借易還？小編推介campdays、tanabesports、Camp go rental就幫到你喇，租借費用一啲都唔貴。
露營用品直接送到營地・ 免交收煩惱 有別於一般嘅露營用品租借服務公司，你唔需要係指定嘅露營場地租借或者使用佢地嘅露營裝備，佢哋會提供露營用品托運服務，你只要露營前喺網上預訂需要用到嘅裝備，佢地會按時運送用品到你嘅所在地，包括民宿、車站或者營地，方便你使用。就算係使用後嘅歸還，都可以選擇以付運方式，預約到場收回露營裝備，非常方便。 而且大家仲可以做到日本大熱品牌、snowpeak、montbell、Coleman等等靚營打個靚卡， 快啲bookmark以下嘅網站。
Campdays https://campdays.jp/
Tanabesports https://www.tanabesports.com/c/camp-rental
Camp go rental https://camp-go.jp/
食物都可以訂
無論係咩地方露營，都要食一餐好嘅先夠滿足，但去到荒山野嶺嘅地方露營，唔通就只可以靠自己備餐？如果唔擅長煮嘢食，又可以點做？
其實日本除咗可以租露營營地，露營裝備，更加可以提前預訂已經預製好嘅露營美食套餐，日本Sotoumameshi網站就有提供預訂服務，食材只要簡單加熱就可以食用，唔單止節省時間，又唔怕食材唔新鮮而搞到肚痾。
同Camp go rental一樣，訂餐公司提供到付服務，可以直接將食材付運到你嘅紮營地點，就算你要忙於紮營，唔怕要花時間揸車去分店攞食材咁麻煩，認真方便。
** 以上圖片及資料來源: Takibi-reservation、Camp go rental、Sotoumameshi
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!