要搵設備完善嘅大型營區，相信比比皆是。但往往都比人感覺程序規範比較多，缺少咗一份親切感。最近有谷友分享，去過一個設備五臟俱全，服務態度細心，又有親切感嘅營地。小編就同大家去感受感受！呢個唔係廣告呢架。
位置便利 5分鐘車程到達補給點
講緊嘅係位於元朗牛潭尾嘅Grassroom位置唔算偏僻，只要5分鐘車程就出到錦鏽花園，如果要補充物資都好方便。而且營地好細心，一早拍左相片及短片，教大家點樣入村，即使無方向感嘅小編都好易黎到目的地。
營地附近係軍營，入村路途平坦易駕駛。而且附件唔係民居，唔會濟湧私隱度十足，真係岩哂包場開Party。
以車Camp為主，堅持親自栽種草地 汽車可以直接駛上草地
營地以車Camp為主，車可以直接上草地。小編好好奇， 點解營地可以任由汽車直接上草地?
通常一般營區，對草地嘅規範都特別多。因為草地維護費用係超級昂貴，所以營友去到，都要乖乖遵守。但其實有幾多不便，去開車Camp嘅營友一定會明白。
營地都非常明白營友需要，因為佢地都係露營車Camp發燒友，真正從用家角度出發。堅持親自栽種草地，讓草根可以抓實泥土，唔會輕易被車鏟起，所以汽車先可以直接駛上草地。
解決積水問題 鋪設石仔 方便野炊
營地明白積水問題都係超趕客，所以佢地係疏水方面都下左功夫。草地夠平坦無水灘，唔怕引黎蚊蟲滋擾。
因為都係用家, 所以營地更加了解大家出黎露營，喜愛係大自然環境下生火野炊。所以特別係營前位置鋪設石仔，方便大家生火，真正可以玩得開心又放心。
設備齊全 一齊共享露營樂趣
除左洗手間，冷熱水沐浴間之外，園區內仲設有共享廚房，廚房內設施真係五臟俱全，過濾水機、 雪櫃、廚具用品應有盡有。而且仲有一個共享空間比營友坐低傾下偈，望下星星，摸摸酒杯底~係咪爽?!
除左以上設施之外，鍾意玩柴火嘅營友有福啦。營地有免費柴枝供應，仲專登搵黎荔枝柴比大家購買，如果想用柴火野炊嘅營友，仲可以租借火爐。
細心提供營具、冷氣、電源租借服務
營地另一個貼心位，就係有營具租借服務，大家有時放工好想輕鬆下，但放工已經好疲憊啦，仲要起營? 太開玩笑了吧！
營地明白!!
所以有專人幫大家起營，真真正正買完食物就可以入黎露一露，超級細心。
營地好了解營友想露營嘅心係唔會因為天氣而改變。但天氣熱嘅時候，又的確十分難受，所以營地提供嬉水池，冷氣及後備電源租借服務，真正從用家角度出發，了解大家感受同需要。小編感受到個位谷友口中講嘅貼心服務！
營地仲加設表演台，公司或者朋友Gathering，包場搞聚會都好適合。
係咪心郁郁呢? 如果想了解更加, 請按此直接向Grassroom營地查詢及預訂啦!
約定大家，我地營地相遇~
**以上圖片及資料來源: HKCAMP香港人露營分享谷/ Grassroom
**以後關於露營圖片及分享，記得打Hash Tag（#HKHKCAMP）
相關資訊: