日本旅行露營推介！和歌山三十年歷史，最巨人氣露營場《南紀串本リゾート大島》
- HKCAMP
- 2023年2月5日
- 讀畢需時 4 分鐘
已更新：2023年4月13日
上回講到HKCAMP去咗和歌山體驗日本唔同露營場地。重溫請按Gaju Campsite / In the Outdoor今日繼續同我哋一齊體驗日本露營！GoGoGo!
今日要同大家"些呀"呢個位於和歌山最南邊紀伊大島嘅《南紀串本リゾート大島》真係不得了，係和歌山已經經營超過30年， 屬於日本露營界中嘅元老級同時係關西最有人氣嘅露營場， 基本上冇人唔識，所以第一篇文章一定要睇落去，想訂露營場可去RTG TRAVEL問問
重溫和歌山旅行露營之旅第三日景片，內有紀串本《南紀串本リゾート大島》嘅介紹， HKCAMP團隊 親身拍攝記得多多支持同訂閱，感謝。
場地很大・分區清晰
營地設有扎營區比大家露營外， 更有唔同大細及高私隱度嘅小木屋， 當然唔少得蒙古包Glamping啦！營地仲有特色土耳其燈裝作工作坊及手工小精品選購， 小編都忍唔住入手咗手作玻璃珠做手信。
最强人氣・露天風呂
去日本露營， 最瘋狂莫過於係營地可以試埋露天風呂。 呢個Campsite仲有向海大風呂， 仲有得加錢享受私人風呂， 強力推介， 必試！
小編親身感受非常寧靜・星河一片
日本營地另一個令人愛不釋手嘅地方就係神級寧靜及極少光害。日本人向來好細心， 去露營都會顧及他人， 所以到咗十點大家都會細細聲盡量唔會騷擾到其他營友， 大家黎到真係可以好好放空， 享受寧靚。
而多數營地都位於郊外， 晚上極少光害， 所以用肉眼都可以睇到好多好多星星。 小編都係第一次睇到咁浩瀚既星海同埋銀河， 真係好滾動呀！(*IPHONE影到)
小編當晚入住蒙古包Glamping。蒙古包面積超大， 足夠容納6個大人， 一家幾口入住絕對無問題。
蒙古包外有齊枱、椅、雪櫃、暖爐及焚火台，設備齊全乾淨。不得不提係日本營地玩柴火係必須嘅， 每個營地都會提供焚火台及柴， 柴枝用完仲可以添加，仲可以玩埋仙女棒， 真心滿足。
入住營友仲可以預訂燒烤晚餐及早餐，場內有配套完善嘅小賣部， 啤油、汽水、杯面、小食都有齊， 晚上補給超方便。
一場黎到， 當然要試埋營地內嘅露天風呂啦！如果大家想私隱度高啲， 可以好似小編咁即場預訂私人風呂。私人風呂面向海邊， 建議預約日頭或傍晚時分會比較正，可以一邊浸浴一邊望住大海Chill爆。私人風呂從早上到晚上都有，每節50分鐘， 因為超級搶手，黎到營友預訂就要快手啦！
去日本可以唔同啲！一齊試試日本旅行露營新玩法！
咁精彩嘅旅行露營路線千祈唔好錯過！ HKCAMP 會陸陸續續推出短片同貼文介紹。想知更多最新消息，無論香港、日本或者世界各地，愛露營記得緊貼我哋HKCAMP啦！
如果想訂購以上露營場地、機票、住宿等等可以向RTG Travel查詢。
再次感謝拍攝團隊及主持，一齊玩得好開心。
另外一定要感謝我哋重要嘅贊助商
指定旅行社 : RTG Travel
特別鳴謝 : Columbia、Go Wild
和歌山縣觀光交流課
約定大家，我哋喺世界各地營地相遇啦！
**以上圖片及資料來源: HKCAMP
**以後關於露營圖片及分享，記得打Hash Tag（#HKHKCAMP）
相關資訊：
日本露營場
香港露營場
Comments