露營百科｜新手入坑 ｜無你咁好「氣」之高山氣以外選擇！
- HKCAMP
- 2023年2月23日
- 讀畢需時 4 分鐘
已更新：2023年3月14日
相信睇到標題, 好多露營老手都會取笑小編，甘簡單嘅露營二三事都要講嗎？其實回想初初接觸露營，露營知識可以講係零。甚至咩係高山氣都唔識，誤以為高山氣係高山「器」，疑惑高山「器」係咩露營器材，結果當然係比朋友笑餐懵啦！
好多朋友講起露營野炊都會唸到用高山氣, 小編都唔例外. 要選擇用咩燃料, 首先要唸唸會用咩爐具。
一般露營時會用到嘅煮食爐普遍有氣體式爐，汽化式爐及酒精爐。三款爐具都各有好壞之處。
酒精爐係三款爐具中最低成本嘅煮食爐。顧名思義用工業用酒精作為燃料，一般可以係五金舖搵得到。好處當然係價錢夠哂平，而且酒精係固體粒狀，所以儲存攜帶都好方便。不過因為細細粒，所以好快就會燃燒完需要再添加，而每次燃點下一粒之前都要等上一粒燃燒完，溫度降低先可以再用。所以烹調過程簡單快捷，好似煲水，煮麵會比較岩用，複雜烹調過程就未必岩使啦！
相信最多人會用到嘅一定係氣體式爐及汽化式爐。汽化式爐屬於比較高階嘅爐具，用液體燃料，好似白電油、煤油、柴油，所以價錢都會相對最高，而且攜帶都比較不便。但好處係無論係高海拔及嚴寒地方都可以穩定使用，而且容易買到，非常方便。
最後一款氣體式爐, 其實即係平時屋企打邊爐會用到嘅卡式石油氣爐及高山氣爐. 兩者主要分別在於, 高山氣爐係專為高海拔地方使用而設, 即使係高海拔地區, 都唔會因為氣壓問題而影響供火, 穩定性強, 所以價錢相對較貴.
通常用高山氣爐, 為咗鏗位都會用體積細小, 可摺疊嘅金屬高山氣爐. 煮具會直接放上高山氣爐摺疊支架上, 所以用呢類型爐具嘅時候, 需要留意高山氣係咪放係較平嘅地方啦!, 如果高山氣放係不平嘅地方, 好容易會翻側, 好危險呀!
而日常打邊爐用嘅卡式氣爐, 如果係高海拔地方使用, 會因為氣壓問題而影響供火穩定性. 不過係香港即使去到大帽山, 海拔氣壓都唔會太受影響, 所以對於新手黎講, 卡式石油氣爐已經非常夠用, 價錢仲要平好多, 性格比高.
無論大家露營時用咩爐具都好, 都一定要做好露營禮儀. 記得要用防火墊及焚火台, 唔好直接係營地及草地上生火或煮食, 露營開心之餘都要顧及環境, 保護草地呀! 仲要留意火種, 離開時要確保撲熄所有火種, 仲要自己垃圾自己帶走, 甘就山野無痕, 人人露得開心又放心啦!
約定大家，我哋喺世界各地營地相遇啦！
**以上圖片及資料來源: Google
**以後關於露營圖片及分享，記得打Hash Tag（#HKHKCAMP）
相關資訊：
日本露營場
香港露營場
Comments