top of page
  • 作家相片HKCAMP

營友必到!大阪臨空城Outlet LOGOS店,咩都有得買~大開眼界~

HKCAMP小編走到日本報導,上次推介過大阪臨空城Outlet最新snow peak後反應好熱烈, 今次介紹同場嘅LOGOS專門店。LOGOS係日本同樣相當受歡迎,產品亦都相當之多,照顧晒每一個露營朋友嘅需要, 所以今次真係大開眼界,鍾意露營嘅朋友都要去睇睇啦。另外同場加映香港店,仲要唔係樓上鋪添,大家都可以去感受一下。

位於關西國際機場,坐鐵路只需一個站嘅《臨空城PREMIUM OUTLETS》, 建議大家選擇第一日或者最後一日去血拼。 除咗上次介紹必去嘅Sea Side Area行snow peak (想睇返相關報道按此), 今次介紹勁大間嘅LOGOS專門店。呢個小編建議非常值得去,因為產品非常之多 ,露營用品應有盡有,你一定會買到嘢~


睇片就知有幾正,記得訂閱我哋YouTube啦~



 

日本店面勁大,原來LOGOS已經出咗咁多露營用品


關於LOGOS,原來佢係世界首創炊具嘅戶外品牌,係百年日本戶外工藝精神嘅象徵。佢係研發自家登山產品時,甚至會以標準再高800公尺為基礎。因此佢嘅產品由休閒到家庭露營,再到專業登山,都能夠輕鬆應付。


今次小編都係第一次到LOGOS專門店, 之前去過日本嘅露營用品店,大多數露營用品只係得一個角落。 今次可謂大開眼界, 除咗最經典嘅民族風帳篷、原來cookset、焚火台等等都已經出咗勁多款,簡直係花多眼亂 。就連炭都有LOGOS自家出品, 對於鍾意露營嘅你一定唔可以錯過佢哋嘅產品同埋店舖, 趁日元咁平可以入手新玩具啦。

炊具係LOGOS最吸引嘅產品之一

小編認為佢最經典嘅就係民族風

小至咖啡豆同埋爆谷,LOGOS都有自家出品, 顧及晒整個露營體驗。

呢個露營燈小編好心動,復古感覺出晒嚟,令露營更有樂趣。




大阪PREMIUM OUTLETS - LOGOS
地址: 3-28 Rinkuoraiminami, Izumisano, Osaka 598-8508 
營業時間: 10:00–20:00 (*請參考返官方網站作準) 
電話: +81 72-458-4600



 

香港有專門店?


去完日本返嚟仲係有啲心思思想買佢嘅產品? 原來香港都有LOGOS代理, 仲要有地舖可以俾大家慢慢睇! 小編就去咗位於太古城嘅GO WILD 親身感受一下,分享吓店內環境比大家睇啦。


店外有架小露營車,好吸引! 入邊全部都係唔同嘅露營產品,當中仲有LOGOS最新嘅貨品。

店入邊又係另一個感覺, 雖然店舖size無日本店甘大,但係都有好多野睇! 帳篷都有好多款現貨發售, 大家可以即買即用啦~



仲有唔少露營好物, 大家不妨去尋寶!未有時間去日本都可以喺香港感受到LOGOS嘅最新產品。



GO WILD (LOGOS店) - 太古城
地址:    香港太古城中心069A 
營業時間:11:00–21:00 (*請參考返官方網站作準)                                                                            
GO WILD (LOGOS店) - 銅鑼灣
地址:    銅鑼灣時代廣場702-703
營業時間:11:00–21:00 (*請參考返官方網站作準) 


 

約定大家,我哋在世界各地嘅營地相遇啦!



**相片及資料來源:HKCAMP

**以後關於露營圖片及分享,記得打Hash Tag(#HKHKCAMP



想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube




香港露營場 一文睇哂,香港私人營地總覽2023 一文睇哂,香港私人營地總覽 2022 EP1 至潮至CHILL 錦田綠活城鄉Green Lohas~ (按此預訂) EP2~Chill遊元朗白泥生態保育農莊~ (按此預訂) EP3~要享受農莊露營樂趣? 就要黎元朗八鄉小蜜蜂農莊啦~ (按此預訂) EP4~想要非一般露營新體驗, 就係沙頭角禾田喜山~ (按此預訂) EP5~一個Camp Site試哂唔同營區, 仲等? 緊係要黎長洲西園啦~ (按此預訂) EP7~私人營地以外, 設備完善嘅營地選擇,保良局賽馬會大棠渡假村~ (按此預訂) EP8~上水全新露營場《雙魚.小丘》 一營一獨立雪櫃,5星級露營新感受~ (按此預訂) EP9~細心! 貼心! 真正明白營友需要嘅元朗牛潭尾Grassroom! (按此預訂) EP10 - 由華山玩到自資營地上水虎地山莊Carpus & Co (按此預訂) EP11~ 給你家人般的溫馨及窩心感覺~粉嶺流水響四季休閒農莊! (按此預訂) EP12~又一車CAMP新場地?元朗逢吉鄉喜喜草原~ (按此預訂) EP13~特色火台, 專為車CAMP重裝而設嘅元朗森之谷~ (按此預訂) EP14~想試試全港少有全海景獨立露營區? 就要黎大埔Happy Camping啦~ (按此預訂) EP15~特別Camping區任你選! 仲有超特色梯田露營區! 盡在錦田牧緣田 (按此預訂) EP16~2022最新露營場!喜歡新場嘅一定要黎元朗流浮山白泥「歡歡草原」~ (按此預訂) EP17~2022開季必試最新露營場!打鼓嶺Chill級Playful嘅「UncleB Farm」~ (按此預訂) EP18~隱世・山野地理方便私隱度高,盡享山野寧靜! (按此預訂) EP19~新場GREENOBO綠行鳥Car Camp & Glamping齊哂 (按此預訂) EP20~潮試最新韓式露營場@上水Chill Club梧桐! (按此預訂) EP21~全新開幕、十多萬尺台灣風格露營場地@元朗山林里農莊 EP22~最新露營場地元朗錦田FUN PARK by FUN SHOP

Comments


bottom of page